24x7 Live News

சென்னை: தமிழ்நாட்டில் அதிகபட்சமாக கடந்த 24 மணி நேரத்தில் வீரகனூர், வேப்பூரில் தலா 5 செ.மீ. மழை பதிவாகியுள்ளது. ஸ்ரீமுஷ்ணம், வால்பாறை, திருமயத்தில் 4 செ.மீ. மழையும், சீர்காழி, செந்துறை, தொழுதூர், வி.களத்தூர், ஜமுனாமரத்தூர், வாலதி, கரையூர், அருப்புக்கோட்டையிலும் தலா 3 செ.மீ. மழையும் பதிவாகியது. 

சென்னை: கேரளாவில் 2 அல்லது 3 நாட்களில் தென்மேற்கு பருவமழை தொடங்கும் என இந்திய வானிலை மையம் தகவல் தெரிவித்தது. கேரளாவில் தென்மேற்கு பருவமழை தொடங்குவதற்கான சாத்தியக்கூறு தென்படுவதாக தெரிவிக்கப்பட்டது. கடந்தாண்டு ஜூ 3-ல் துவங்கிய நிலையில் இந்தாண்டு ஓரிரு நாட்கள் முன்னதாகவே பருவமழை துவங்குகிறது.

சென்னை: தமிழகத்தில் அனைத்து அரசுப்பள்ளிகளிலும் ஜூன் 13 முதல் மாணவர் சேர்க்கை தொடங்க உள்ளதாக தகவல் தெரிவிக்கப்பட்டது. கடந்த காலங்களில் மாணவர் சேர்க்கை பள்ளி திறப்புக்கு முன்பே தொடங்கும் நிலையில் இந்தாண்டு மாற்றம் செய்யப்பட்டது. 

மதுரை: காவல்துறையின் அனுமதியின்றி குற்றவாளிகள் சுதந்திரமாக நடமாட முடியாது என உயர்நீதிமன்ற கிளை தெரிவித்தது. குற்றவாளிகள் காவல்துறையினருக்கு தெரியாமல் தப்பித்து தலைமறைவாக முடியாது; குற்றவாளிகள் தலைமறைவாகி விட்டனர் என்ற காவல்துறை அறிக்கை ஏற்றுக்கொள்ளும்படி இல்லை என தெரிவித்தது

சென்னை: மதவாத நச்சு விதைகளை தூவிட எத்தனிக்கும், தேச விரோத சக்திகளிடம் இருந்து தமிழ்நாட்டை காக்கவேண்டும் என முதல்வர் ஸ்டாலின் தலைமையில் நடந்த திமுக மாவட்ட செயலாளர்கள் கூட்டத்தில் தீர்மானம் நிறைவேற்றப்பட்டது. திராவிட மாடல் பயிற்சிப் பாசறை கூட்டங்களை தொடர்ச்சியாக நடத்த வேண்டும் எனவும் கூட்டத்தில் தெரிவிக்கப்பட்டது.

டெல்லி: சீன நாட்டினருக்கு விசா பெற்றுத்தர லஞ்சம் வாங்கிய வழக்கில் கார்த்தி சிதம்பரத்திடம் 3-வது நாளாக விசாரணை நடத்தி வருகின்றனர். டெல்லியில் உள்ள சிபிஐ அலுவலகத்தில் ஆஜரான கார்த்தி சிதம்பரத்திடம் விசாரணை நடைபெற்று வருகிறது. 

நீலகிரி: நீலகிரி மாவட்டம் குன்னூர் சிம்ஸ் பூங்காவில் 62-வது பழக் கண்காட்சி தொடங்கியது. பல்வேறு மாவட்டங்களை சேர்ந்த தோட்டக்கலைத்துறை சார்பில் 25 அரங்குகள் பழக் கண்காட்சியில் அமைக்கப்பட்டுள்ளன. பழங்களைக் கொண்டு தாஜ்மஹால், கோயில் தேர் உள்ளிட்ட பல்வேறு உருவங்கள் அமைக்கப்பட்டுள்ளது.  

சென்னை: சென்னை ஓமந்தூரார் தோட்டத்தில் கலைஞர் சிலை திறக்கப்படுவது குறித்து கவிஞர் வைரமுத்து கவிதையில் பெருமிதம். கலையானாய் காவலானாய் களத்துக்கு வேல்கள் செய்யும் உலையானாய்; இறந்தும் வாழும் உயிரானாய் என வைரமுத்து டுவீட் செய்தார்.