കൊച്ചി: ബംഗാളി നടിയുടെ പരാതിയിലെടുത്ത ലൈംഗികാതിക്രമ കേസില് സംവിധായകന് രഞ്ജിത്ത് മുന്കൂര് ജാമ്യത്തിനായി ഹൈക്കോടതിയെ സമീപിച്ചു. സിനിമയില് അവസരം നല്കാത്തതിന്റെ നിരാശയിലാണ് നടിയുടെ പരാതിയെന്ന് രഞ്ജിത്ത് ഹര്ജിയില് പറയുന്നു. നടിയുമായി സംസാരിച്ചപ്പോള് മറ്റ് അണിയറ പ്രവര്ത്തകരും ഒപ്പമുണ്ടായിരുന്നു. താന് അസുഖബാധിതനായി ചികിത്സയിലാണ്. പൊലീസ് അറസ്റ്റ് ചെയ്യാന് സാധ്യതയുണ്ടെന്നും അറസ്റ്റ് തടയണമെന്നും രഞ്ജിത്ത് ഹര്ജിയില് പറയുന്നു.രഞ്ജിത്തിന്റെ പാലേരിമാണിക്യം സിനിമയിലഭിനയിക്കാന് കൊച്ചിയിലെത്തിയ നടിയെ ലൈംഗിക ഉദ്ദേശ്യത്തോടെ രഞ്ജിത്ത് സമീപിച്ചുവെന്നാണ് നടി വെളിപ്പെടുത്തിയത്.