• Sat. Jul 13th, 2024

24×7 Live News

Apdin News

കെയര്‍ സ്റ്റാര്‍മറിനെ ഭാരതത്തിലേക്കു ക്ഷണിച്ച് നരേന്ദ്ര മോദി

Byadmin

Jul 7, 2024


ന്യൂദല്‍ഹി: ബ്രിട്ടന്റെ പുതിയ പ്രധാനമന്ത്രിയായി തെരഞ്ഞെടുക്കപ്പെട്ട കെയര്‍ സ്റ്റാര്‍മറിനെ ഭാരതത്തിലേക്കു ക്ഷണിച്ച് പ്രധാനമന്ത്രി നരേന്ദ്ര മോദി. അഭിനന്ദനമറിയിച്ച ഇന്നലെ ടെലിഫോണിലെ ആശയ വിനിമയത്തിനിടെയാണ് പ്രധാനമന്ത്രി സ്റ്റാര്‍മറിനെ ക്ഷണിച്ചത്. എത്രയും നേരത്തേ ഭാരതം സന്ദര്‍ശിക്കണമെന്ന് മോദി, സ്റ്റാര്‍മറിനോട് ആവശ്യപ്പെട്ടു.

ബ്രിട്ടന്റെ പുതിയ പ്രധാനമന്ത്രിയായി ചുമതലയേല്‍ക്കുന്നതിനും തെരഞ്ഞെടുപ്പില്‍ ലേബര്‍ പാര്‍ട്ടിയുടെ ശ്രദ്ധേയമായ വിജയത്തിനും മോദി അദ്ദേഹത്തെ അഭിനന്ദിച്ചു. ഇരുരാജ്യങ്ങളും തമ്മിലുള്ള ചരിത്രപരമായ ബന്ധത്തെ ഇരുനേതാക്കളും അനുസ്മരിച്ചു. ഭാരതവും ബ്രിട്ടനും തമ്മിലുള്ള സമഗ്രവും തന്ത്രപരവുമായ പങ്കാളിത്തം കൂടുതല്‍ ആഴത്തിലാക്കാനും മുന്നോട്ടുകൊണ്ടുപോകാനുമുള്ള പ്രതിബദ്ധത ഇരുവരും വീണ്ടുമുറപ്പിച്ചു. പരസ്പരം പ്രയോജനകരമായ ഭാരത-ബ്രിട്ടന്‍ സ്വതന്ത്ര വ്യാപാര ഉടമ്പടിയുടെ വേഗത്തിലുള്ള പൂര്‍ത്തീകരണം സാധ്യമാക്കാന്‍ ഇരുനേതാക്കളും സമ്മതിച്ചു.

ബ്രിട്ടന്റെ സാമൂഹികവും സാമ്പത്തികവും രാഷ്‌ട്രീയവുമായ വികസനത്തില്‍ ഭാരത സമൂഹത്തിന്റെ ക്രിയാത്മകമായ സംഭാവനകളെ അഭിനന്ദിച്ച്, ഇരുരാജ്യങ്ങളിലെയും ജനങ്ങളുമായുള്ള ബന്ധം കൂടുതല്‍ പ്രോത്സാഹിപ്പിക്കുന്നതു തുടരാന്‍ ഇരുപക്ഷവും താത്പര്യപ്പെട്ടു.



By admin