• Tue. Jul 16th, 2024

24×7 Live News

Apdin News

ജലംസംഭരിച്ചിരുന്ന ടാങ്ക് തകര്‍ന്ന് അമ്മയും കുഞ്ഞും മരിച്ചു

Byadmin

Jul 9, 2024


പാലക്കാട് : ജലംസംഭരിച്ചിരുന്ന ടാങ്ക് തകര്‍ന്ന് അമ്മയും കുഞ്ഞും മരിച്ചു. പശ്ചിമ ബംഗാള്‍ സ്വദേശി ഷമാലി (30), മകന്‍ സാമി റാം(2) എന്നിവരാണ് മരിച്ചത്. പശു വളര്‍ത്തല്‍ കേന്ദ്രത്തിലെ തൊഴിലാളിയാണ് മരിച്ച യുവതി.

പാലക്കാട് ചെര്‍പ്പുളശ്ശേരി വെള്ളിനേഴിയില്‍ വീട്ടിലെ ജലസംഭരണ ടാങ്കാണ് തകര്‍ന്നത്.അമ്മയും കുഞ്ഞും പൊട്ടിയൊഴുകിയ വെളളത്തില്‍ പെട്ട് കിടന്നത് ഒരു മണിക്കൂറാണ്. ഫാമിലുണ്ടായിരുന്നവര്‍ ജോലി കഴിഞ്ഞ് തിരിച്ചെത്തിയപ്പോഴാണ് സംഭവം കണ്ടത്. ഉടന്‍ തന്നെ ആശുപത്രിയിലെത്തിച്ചെങ്കിലും ഇരുവരുടെയും ജീവന്‍ രക്ഷിക്കാനായില്ല.

മരിച്ച യുവതിയുടെ ഭര്‍ത്താവും പശു വളര്‍ത്തല്‍ കേന്ദ്രത്തിലെ തൊഴിലാളിയാണ്. പശുഫാമില്‍ താത്കാലികമായി നിര്‍മിച്ച ടാങ്കാണ് പൊട്ടിയത്. സിമന്റ് കൊണ്ട് ഒന്നര വര്‍ഷം മുമ്പ് കെട്ടിയതായിരുന്നു ടാങ്ക്. രതീഷ് എന്നയാളുടെ ഉടമസ്ഥതയിലുള്ളതാണ് പശുവളര്‍ത്തല്‍ കേന്ദ്രം.

 



By admin