• Tue. Jul 16th, 2024

24×7 Live News

Apdin News

ബൈക്ക് അപകടം; അമ്മയുടെ കയ്യിൽ നിന്നും തെറിച്ചു വീണ് അഞ്ച് മാസം പ്രായമുള്ള കുഞ്ഞ് മരണപ്പെട്ടു

Byadmin

Jul 9, 2024


വാഹനാപകടത്തില്‍ 5 മാസം പ്രായമുള്ള കുഞ്ഞ് മരിച്ചു. അപകടത്തില്‍പ്പെട്ട ബൈക്കിൻ്റെ പിന്നിലിരുന്ന അമ്മയുടെ കൈയില്‍ നിന്നു തെറിച്ചു താഴെ വീഴുകയായിരുന്നു.

മണ്ണഞ്ചേരി സ്വദേശി മുഹമ്മദ് റഫീഖിൻ്റെ മകൻ മുഹമ്മദ് ഇഷാൻ ആണ് മരിച്ചത്. നിയന്ത്രണം വിട്ട ബൈക്ക് മറിയുകയും നസിയയുടെ കൈയിലിരുന്ന കുഞ്ഞ് തെറിച്ചു വീഴുകയുമായിരുന്നു. ഭർതൃപിതാവ് ഷാജിയാണ് ബൈക്ക് ഓടിച്ചത്. ഇടറോഡില്‍ നിന്നു വന്ന ഇലക്‌ട്രിക്ക് സ്കൂട്ടറിടിച്ചായിരുന്നു അപകടം. ഇന്നലെ വൈകിട്ട് മണ്ണഞ്ചേരി ജംഗ്ഷന് സമീപമായിരുന്നു അപകടമുണ്ടായത്.

ആശുപത്രിയില്‍ ഡോക്ടറെ കാണിച്ച ശേഷം കുഞ്ഞുമായി മടങ്ങുമ്ബോഴായിരുന്നു അപകടം. ഷാജിക്കും നസിയക്കും നിസാര പരിക്കേറ്റു.
ഗുരുതരമായി പരുക്കേറ്റ ഇഷാനെ സമീപത്തെ സ്വകാര്യ ആശുപത്രിയിലും പിന്നീട് ജില്ലാ ജനറല്‍ ആശുപത്രിയിലേക്ക് കൊണ്ടുപോയെങ്കിലും മരിച്ചു.

മുഹമ്മദ് റഫീക്ക് – നസിയ ദമ്ബതികളുടെ ആറു മാസം പ്രായമുള്ള മൂത്തമകന്‍ ഒന്നര വര്‍ഷം മുമ്ബ് മുലപ്പാല്‍ ശ്വാസനാളത്തില്‍ കുടുങ്ങി മരിച്ചിരുന്നു.

By admin