ന്യൂദല്‍ഹി: രാജ്യങ്ങളുടെ ആഗോള ശക്തി നിര്‍ണയിച്ച് ലോവി ഇന്‍സ്റ്റിറ്റ്യൂട്ട് തയാറാക്കുന്ന ഏഷ്യാ പവര്‍ ഇന്‍ഡക്‌സില്‍ ജപ്പാനെ മറികടന്ന് ഭാരതം മൂന്നാമതെത്തി. ഓപ്പറേഷന്‍ സിന്ദൂറും സുസ്ഥിരമായ സാമ്പത്തിക വളര്‍ച്ചയുമാണ് ഇതിന് വഴിയൊരുക്കിയത്. അമേരിക്കയാണ് ഒന്നാമത് (80.4) രണ്ടാമത് ചൈന 73.5. ഭാരതം (40). നാലാമത് ജപ്പാനും അഞ്ചാമത് റഷ്യയുമാണ്. 27 രാജ്യങ്ങളാണ് പട്ടികയിലുള്ളത്.

കഴിഞ്ഞ വർഷത്തെ അപേക്ഷിച്ച് 0.9 പോയിന്റ് വർധിച്ചതോടെ ജപ്പാനെക്കാൾ ചെറിയ ലീഡ് നേടാനായി. ഏഷ്യ-പസഫിക്കിലെ 26 രാജ്യങ്ങളുടെ ആഗോള ശക്തി വിലയിരുത്തുന്ന ഈ സൂചികയിൽ ‘പ്രമുഖ രാജ്യം’ പദവി ഇന്ത്യ ആദ്യമായി സ്വന്തമാക്കി.

സാമ്പത്തിക വളർച്ച, വിദേശ വ്യാപാര ബന്ധങ്ങൾ, സാങ്കേതിക മേഖലയിലെ പുരോഗതി, വിദേശ ടൂറിസം വർധന എന്നിവയും ഇന്ത്യയുടെ സ്കോർ ഉയരാൻ സഹായിച്ചു. ഭൗമരാഷ്‌ട്രീയ പ്രസക്തിയുടെ കാര്യത്തിൽ ഇന്ത്യ ശക്തമായ മുന്നേറ്റം തുടരുകയാണെന്ന് പഠനം വ്യക്തമാക്കുന്നു.

അമേരിക്കയ്‌ക്ക് ഇതുവരെയുള്ള ഏറ്റവും കുറഞ്ഞ സ്കോർ (80.4) ലഭിച്ചത് ട്രംപ് ഭരണകാലത്തെ ഏഷ്യാ വിരുദ്ധ നയങ്ങളുടെ പ്രതിഫലനമാണെന്ന് വിദഗ്ധർ വിലയിരുത്തുന്നു. റഷ്യയെ പിന്നിലാക്കി ഓസ്‌ട്രേലിയ തൊട്ടു പിന്നിൽ (ആറാം സ്ഥാനം) നിൽക്കുമ്പോൾ പാകിസ്താൻ 16-ാം സ്ഥാനത്തേക്ക് കൂപ്പുകുത്തി.