ഡെറാഡൂണ്‍: ലോകത്തിലെ ഏറ്റവും വലിയ വിദ്യാര്‍ത്ഥി സംഘടനയെന്ന മുന്‍കാല റിക്കാര്‍ഡ് നിലനിര്‍ത്തി എബിവിപി. 76,98,448 അംഗങ്ങളാണ് എബിവിപിക്കുള്ളതെന്ന് ദേശീയ സമ്മേളനത്തില്‍ വാര്‍ഷിക റിപ്പോര്‍ട്ട് അവതരിപ്പിച്ച് ജനറല്‍ സെക്രട്ടറി ഡോ. വീരേന്ദ്ര സിങ് സോളങ്കി അറിയിച്ചു. മുന്‍കാല അംഗത്വ റിക്കാര്‍ഡുകളെയെല്ലാം മറികടന്നാണ് ഈ സംഖ്യയിലെത്തിയത്. എബിവിപിയുടെ 77 വര്‍ഷത്തെ സംഘടനാ യാത്രയിലെ ഏറ്റവും ഉയര്‍ന്ന അംഗത്വമാണിതെന്നും അദ്ദേഹം കൂട്ടിച്ചേര്‍ത്തു.
ലോകത്തിലെ ഏറ്റവും വലിയ വിദ്യാര്‍ത്ഥി സംഘടനയെന്ന സ്ഥാനം തുടര്‍ച്ചയായി നിലനിര്‍ത്തുന്നത് അഭിമാനകരമാണെന്ന് ദേശീയ പ്രസിഡന്റ് പ്രൊഫ. രഘുരാജ് കിഷോര്‍ തിവാരി അഭിപ്രായപ്പെട്ടു.