സ്വന്തം ലേഖകൻ: യുഎസിൽ സെപ്റ്റംബർ 30 വരെ സൗജന്യ കോവിഡ് ടെസ്റ്റുകൾക്കുള്ള കിറ്റ് ഓർഡർ ചെയ്യാം. സൗജന്യ കോവിഡ് ടെസ്റ്റ് പ്രോഗ്രാം പുനരാരംഭിക്കുന്നതായ് യുഎസ് ഡിപ്പാർട്ട്‌മെന്റ് ഓഫ് ഹെൽത്ത് ആൻഡ് ഹ്യൂമൻ സർവീസസ് (എച്ച്എച്ച്എസ്) കഴിഞ്ഞ മാസം അറിയിച്ചിരുന്നു.

തുടർച്ചയായി മൂന്നാം വർഷമാണ് സൗജന്യമായി കോവിഡ്-19 ഓവർ-ദി-കൗണ്ടർ ടെസ്റ്റുകൾ ഓർഡർ ചെയ്യാൻ സാധിക്കുന്നത്. COVID.gov/tests എന്ന വെബ്സൈറ്റിലൂടെ ടെസ്റ്റുകൾ ഓർഡർ ചെയ്യാം. ഹോം ടെസ്റ്റുകളെക്കുറിച്ചുള്ള കൂടുതൽ വിശദാംശങ്ങൾ വെബ്സൈറ്റിൽ ലഭ്യമാണ്.

അതിനിടെ ഹെലൻ ചുഴലിക്കാറ്റിൻ്റെ ഭാഗമായുണ്ടായ വെള്ളപ്പൊക്കത്തിലും ശക്തമായ കാറ്റിലും മരങ്ങൾ വീണ് ജോർജിയയിലെ ഒരു അമ്മയും അവരുടെ ഇരട്ട കുഞ്ഞുങ്ങളും ഉൾപ്പെടെ 40 പേർ മരിച്ചു. അഗസ്റ്റയ്ക്ക് സമീപമുള്ള ഗായിലെ മക്ഡഫി കൗണ്ടിയിലാണ് കുടുംബം താമസിച്ചിരുന്നതെന്ന് അധികൃതർ പറഞ്ഞു.

കൊടുങ്കാറ്റ് വ്യാഴാഴ്ച ഫ്ലോറിഡയിൽ കാറ്റഗറി 4 ചുഴലിക്കാറ്റായി കരയിലേക്ക് നീങ്ങിയതിന് ശേഷമാണ് മരണങ്ങൾ സംഭവിച്ചത്. കനത്ത മഴയും ജീവൻ അപകടപ്പെടുത്തുന്ന കാറ്റും കൊണ്ട് പ്രദേശം ഭയാനകമായി.