• Mon. Sep 26th, 2022

24×7 Live News

Apdin News

கோவையில் பாஜக அலுவலகம் மீது பெட்ரோல் நிரப்பிய பாட்டில் வீச்சு – தொடரும் பதற்றம்

Byadmin

Sep 23, 2022


கோவை பாஜக அலுவலகம்

கோவை மாநகரின் சித்தாபுதூரில் உள்ள பாரதிய ஜனதா கட்சி அலுவலகத்தை நோக்கியும் ஒப்பணக்கார வீதியில் உள்ள துணிக்கடை மீதும் வியாழக்கிழமை இரவு மர்ம நபர்கள் பெட்ரோல் குண்டு வீசி விட்டு தப்பி ஓடியுள்ளனர். இரண்டு இடங்களிலும் பெட்ரோல் குண்டுகள் வெடிக்காததால் எந்தவித அசம்பாவிதமும் ஏற்படவில்லை. இருப்பினும், சம்பவத்தின் தன்மையை கருத்தில் கொண்டு இரு இடங்களிலும் காவல்துறையினர் பெருமளவில் குவிக்கப்பட்டுள்ளனர்.

பெட்ரோல் நிரப்பப்பட்ட பாட்டில்கள் வீசப்பட்ட பகுதிகளுக்கு அருகே சிசிடிவி கேமிராக்கள் பொருத்தப்பட்டுள்ளன. அவற்றில் பதிவான காட்சிகளை வைத்து, இந்த செயலில் ஈடுபட்டவர்களை அடையாளம் காணும் பணியில் காவல்துறையினர் ஈடுபட்டுள்ளனர்.

இரவு 8 மணிக்கு மேல் நடந்த இந்த இரண்டு சம்பவங்களிலும் வெவ்வேறு இரு சக்கர வாகனத்தில் வந்த இரண்டு அடையாளம் தெரியாத நபர்கள் விளக்குத் திரியுடன் கூடிய பெட்ரோல் நிரப்பிய பாட்டிலை வீசிச் சென்றுள்ளதாக கூறப்படுகிறது.

இந்த இரண்டு சம்பவங்களும் ஒன்றுக்கு ஒன்று தொடர்பு உள்ளவையா வெவ்வேறானவையா என்றும் காவல்துறையினர் விசாரித்து வருகின்றனர். இந்தியா முழுவதும் பல்வேறு மாநிலங்களில் பாப்புலர் ஃபிரன்ட் ஆஃப் இந்தியா என்ற அமைப்பின் அலுவலகங்கள் மற்றும் அதன் முக்கிய நிர்வாகிகளின் வீடு, அலுவலகங்கள் உள்பட 95 இடங்களில் தேசிய புலனாய்வு முகமை, இந்திய அமலாக்கத்துறை ஆகியவை வியாழக்கிழமை சோதனை நடத்தியது.