• Fri. Sep 22nd, 2023

24×7 Live News

Apdin News

மகளிர் உரிமைத் தொகை திட்டம்: தமிழ்நாட்டில் என்ன மாற்றத்தை ஏற்படுத்தும்?

Byadmin

Sep 16, 2023


மகளிர் உரிமைத் தொகை திட்டம் தமிழ்நாட்டில் என்ன சமூகத் தாக்கத்தை ஏற்படுத்தும்?
படக்குறிப்பு,

சுமார் ஒரு கோடியே ஆறு லட்சத்து ஐம்பதாயிரம் குடும்பத் தலைவிகள் இந்தத் திட்டத்தின் கீழ் பயனடைவார்கள் என தமிழ்நாடு அரசு அறிவித்திருக்கிறது.

குடும்பத் தலைவிகளுக்கு மாதம் ஆயிரம் ரூபாய் வழங்கும் ‘கலைஞர் மகளிர் உரிமைத் திட்டம்’ இன்று துவங்கப்பட்டிருக்கிறது. இந்தத் திட்டம் நீண்டகால நோக்கில் சமூகத்தில் என்ன தாக்கத்தை ஏற்படுத்தக்கூடும்?

தமிழ்நாட்டில் குடும்பத் தலைவிகளுக்கு மாதம் ஆயிரம் ரூபாய் வழங்கும் ‘கலைஞர் மகளிர் உரிமைத் திட்டத்தை’ தமிழ்நாடு முதலமைச்சர் மு.க. ஸ்டாலின் காஞ்சிபுரத்தில் முன்னாள் முதலமைச்சர் சி.என். அண்ணாதுரையின் பிறந்த நாளான செப்டம்பர் 15ஆம் தேதியான இன்று துவக்கி வைத்திருக்கிறார்.

இந்தத் திட்டத்திற்காக தமிழ்நாடு அரசின் இந்த ஆண்டு நிதி நிலை அறிக்கையில் சுமார் 7000 கோடி ரூபாய் ஒதுக்கீடு செய்யப்பட்டிருக்கிறது. வரும் ஆண்டுகளில் சுமார் 12,000 கோடி ரூபாய் அளவுக்கு இந்தத் திட்டத்திற்காக ஒதுக்கீடு செய்ய வேண்டியிருக்கும்.

2021ஆம் ஆண்டின் தேர்தலுக்கு முன்பாக, தி.மு.க. வெளியிட்ட 10 ஆண்டுகளான லட்சிய ஆவணத்தில் இந்தத் திட்டம் குறிப்பிடப்பட்டிருந்தது. ஆனால், தொடர்ந்து இந்தத் திட்டம் குறித்து எதிர்க்கட்சிகள் கேள்வியெழுப்பியதாலும் தொடர்ந்து ஆர்வம் அதிகரித்தாலும் இந்த ஆண்டே திட்டத்தைத் துவங்க அரசு முடிவுசெய்தது.

By admin