ന്യൂദല്‍ഹി: രാജ്യത്ത് 50 വര്‍ഷം മുന്‍പ് അടിയന്തരാവസ്ഥ ഏർപ്പെടുത്തിയവർ ഭരണഘടനയെ കൊലപ്പെടുത്തുക മാത്രമല്ല, നീതിന്യായ വ്യവസ്ഥയെ തങ്ങളുടെ പാവയാക്കി മാറ്റുകയും ചെയ്തുവെന്ന് തന്റെ മൻ കി ബാത്ത് പരിപാടിയിൽ മോദി. കോണ്‍ഗ്രസിനും 50 വര്‍ഷം മുന്‍പ് അടിയന്തരാവസ്ഥ ഏര്‍പ്പെടുത്തിയയതിന് കോണ്‍ഗ്രസിനും ഇന്ദിരാഗാന്ധിയ്‌ക്കും പേരെടുത്ത് പറയാതെ  ശക്തമായി വിമര്‍ശിക്കുകയായിരുന്നു  മോദിയുടെ ഇത്തവണത്തെ മന്‍ കീ ബാത്ത്.

ജനങ്ങൾക്കെതിരെ അടിയന്തരാവസ്ഥയിലൂടെ അതിക്രമങ്ങൾ നടത്തിയ അന്നത്തെ കോൺഗ്രസ് സർക്കാരിനെ വിമർശിക്കുന്നതിനായി പ്രധാനമന്ത്രി നരേന്ദ്ര മോദി മന്‍ കീ ബാത്തില്‍ അടിയന്തരാവസ്ഥയെ എതിർക്കുന്ന പ്രമുഖ രാഷ്‌ട്രീയക്കാരുടെ പ്രസംഗങ്ങളുടെ ഭാഗങ്ങള്‍ കേള്‍പ്പിച്ചു. മുൻ പ്രധാനമന്ത്രിമാരായ മൊറാര്‍ജി ദേശായി, അടൽ ബിഹാരി വാജ്‌പേയി, മുൻ ഉപപ്രധാനമന്ത്രി ജഗ്ജീവൻ റാം എന്നിവരുടെ അടിയന്തരാവസ്ഥയ്‌ക്കെതിരായ പ്രസംഗങ്ങളിലെ ചില ഭാഗങ്ങളാണ് മോദി കേള്‍പ്പിച്ചത്. ഭരണഘടന ശക്തമായി നിലനിർത്തുന്നതിന് ജനങ്ങളെ ജാഗ്രതപ്പെടുത്താന്‍ ഈ പ്രസംഗങ്ങള്‍ എപ്പോഴും ഓർമ്മിക്കണമെന്ന് അദ്ദേഹം പറഞ്ഞു.

അടിയന്തരാവസ്ഥയിലൂടെ അതിരുകടന്നതിന് കോൺഗ്രസ് പാർട്ടിയുടെയോ അന്നത്തെ പ്രധാനമന്ത്രി ഇന്ദിരാഗാന്ധിയുടെയോ പേര് എടുത്തു പറയാതെ തന്നെയാണ് മോദി അപലപിച്ചത്. പൊതുജന പങ്കാളിത്തത്തിലൂടെ വലിയ പ്രതിസന്ധികളെ നേരിടാൻ കഴിയുമെന്നും മോദി തന്റെ പ്രസംഗത്തിൽ പറഞ്ഞു.

“ഞാൻ നിങ്ങൾക്കായി ഒരു ശബ്ദരേഖ കേള്‍പ്പിക്കാം. ഈ ശബ്ദരേഖയിൽ നിന്ന് നിങ്ങൾക്ക് ആ പ്രതിസന്ധിയുടെ വ്യാപ്തി മനസ്സിലാക്കാൻ കഴിയും. ആ പ്രതിസന്ധി എത്ര ഗുരുതരമായിരുന്നുവെന്ന് മനസ്സിലാകും.”- മോദി പറഞ്ഞു.

അടിയന്തരാവസ്ഥയ്‌ക്ക് ശേഷം പ്രധാനമന്ത്രിയായ മൊറാർജി ദേശായിയുടെ ശബ്ദരേഖയാണ് മോദി ആദ്യം കേള്‍പ്പിച്ചത്. “ഇന്ദിരാഗാന്ധി ഭരണത്തില്‍ “അടിച്ചമർത്തൽ” വർഷങ്ങളായി തുടര്‍ന്നിരുന്നെന്നും അടിയന്തരാവസ്ഥയുടെ രണ്ട് വർഷത്തില്‍ അത് ഉച്ചസ്ഥായിയിലെത്തിയെന്നും പറയുന്നതായിരുന്നു മൊറാര്‍ജി ദേശായിയുടെ ഈ ശബ്ദരേഖ. “ജനങ്ങളുടെ സ്വാതന്ത്ര്യത്തിനുള്ള അവകാശം തട്ടിയെടുക്കപ്പെട്ടു, പത്രങ്ങൾക്ക് സ്വാതന്ത്ര്യം നഷ്ടപ്പെട്ടു. കോടതികൾ പൂർണ്ണമായും നിസ്സഹായരായി. ഒരു ലക്ഷത്തിലധികം ആളുകളെ ജയിലിലടയ്‌ക്കുകയും തുടർന്ന് ഏകപക്ഷീയമായ ഭരണം തുടരുകയും ചെയ്ത രീതി, ലോകചരിത്രത്തിൽ അതിന്റെ അടയാളങ്ങൾ കണ്ടെത്താൻ പ്രയാസമാണ്.”-ഓഡിയോയിൽ മൊറാര്‍ജി ദേശായി പറഞ്ഞു,

1975 നും 1977 നും ഇടയിലുള്ള 21 മാസ കാലയളവിൽ അടിയന്തരാവസ്ഥയിൽ ആളുകൾ വലിയ തോതിൽ പീഡിപ്പിക്കപ്പെട്ടുവെന്ന് മോദി പ്രക്ഷേപണത്തിൽ പറഞ്ഞു. ആളുകൾക്കെതിരായ അതിക്രമങ്ങളുടെ മറക്കാൻ കഴിയാത്ത നിരവധി ഉദാഹരണങ്ങളുണ്ടെന്ന് അദ്ദേഹം കൂട്ടിച്ചേർത്തു.

ആ കാലഘട്ടവുമായി ബന്ധപ്പെട്ട മുൻ പ്രധാനമന്ത്രി അടൽ ബിഹാരി വാജ്‌പേയിയുടെയും മുൻ ഉപപ്രധാനമന്ത്രി ജഗ്ജീവൻ റാമിന്റെയും പ്രസംഗങ്ങളുടെ ഭാഗങ്ങളും അദ്ദേഹം കേള്‍പ്പിച്ചു.
“ജോർജ് ഫെർണാണ്ടസിനെ അന്ന് ചങ്ങലയ്‌ക്കിട്ടിരുന്നു, അക്കാലത്ത് മെയിന്‍റനൻസ് ഓഫ് ഇന്‍റേണൽ സെക്യൂരിറ്റി ആക്ട് (മിസ) പ്രകാരം ആരെയും അറസ്റ്റ് ചെയ്യാമായിരുന്നു”- മോദി ഓർമ്മിപ്പിച്ചു.
വിദ്യാർത്ഥികളെ ഉപദ്രവിക്കുകയും അഭിപ്രായ സ്വാതന്ത്ര്യം ഞെരുക്കുകയും ചെയ്തുവെന്ന് അദ്ദേഹം കൂട്ടിച്ചേർത്തു.

ആയിരക്കണക്കിന് ആളുകളെ അറസ്റ്റ് ചെയ്യുകയും മനുഷ്യത്വരഹിതമായ പെരുമാറ്റത്തിന് വിധേയമാക്കുകയും ചെയ്തു, എന്നാൽ ഇപ്പോൾ ജനാധിപത്യവുമായി അവർ വഴങ്ങുകയും ഏത് വിട്ടുവീഴ്ചയും സ്വീകരിക്കുകയും ചെയ്തത് ഇന്ത്യക്കാരുടെ ശക്തിയാണെന്ന് അദ്ദേഹം പറഞ്ഞു. “ഒടുവിൽ ആളുകൾ വിജയിച്ചു, അടിയന്തരാവസ്ഥ പിൻവലിച്ചു, അത് അടിച്ചേൽപ്പിച്ചവർ പരാജയപ്പെട്ടു”, -മോദി പറഞ്ഞു.

അടിയന്തരാവസ്ഥയുടെ 50-ാം വാർഷികം അടുത്തിടെ ‘സംവിധാൻ ഹത്യ ദിവസ്’ ആയി ആഘോഷിച്ച കാര്യവും മോദി ചൂണ്ടിക്കാട്ടി, അതിനെതിരെ പോരാടിയവരെ എപ്പോഴും ഓർമ്മിക്കണമെന്ന് അദ്ദേഹം പറഞ്ഞു. 1975 ജൂൺ 25 ന് അന്നത്തെ പ്രധാനമന്ത്രി ഇന്ദിരാഗാന്ധിയാണ് അടിയന്തരാവസ്ഥ ഏർപ്പെടുത്തിയത്.

1977-ൽ ഇന്ദിരാഗാന്ധി സർക്കാരിന്റെ പരാജയത്തിനുശേഷം, വാജ്‌പേയി നടത്തിയ പ്രസംഗത്തിന്റെ ഒരു ഭാഗം ശബ്ദരേഖയായി മോദി കേള്‍പ്പിച്ചു. “രാജ്യത്ത് എന്ത് സംഭവിച്ചാലും അത് വെറും ഒരു തിരഞ്ഞെടുപ്പാണെന്ന് വിളിക്കാനാവില്ല. സമാധാനപരമായ ഒരു വിപ്ലവം ഉണ്ടായി. ജനങ്ങളുടെ അധികാരത്തിന്റെ തിരമാല ജനാധിപത്യത്തിന്റെ കൊലയാളികളെ ചരിത്രത്തിന്റെ ചവറ്റുകുട്ടയിലേക്ക് വലിച്ചെറിഞ്ഞു.”- ഇതായിരുന്നു വാജ് പേയിയുടേതായി മോദി കേള്‍പ്പിച്ച പ്രസംഗ ഭാഗം.

“അടിയന്തരാവസ്ഥയെ ധൈര്യത്തോടെ പോരാടിയ എല്ലാവരെയും നാം എപ്പോഴും ഓർക്കണം. നമ്മുടെ ഭരണഘടന ശക്തവും നിലനിൽക്കുന്നതുമായി നിലനിർത്താൻ നിരന്തരം ജാഗ്രത പാലിക്കാൻ ഇത് നമ്മെ പ്രചോദിപ്പിക്കുന്നു” എന്ന് മോദി പറഞ്ഞു.