കണ്ണൂര്:റെയില്വേ സ്റ്റേഷനില് വച്ച് കെഎസ്യു പ്രവര്ത്തകരുടെ പ്രതിഷേധത്തിനിടെ പരിക്കേറ്റെന്ന് കാട്ടി ചികിത്സയിലുളള ആരോഗ്യമന്ത്രി വീണാ ജോര്ജിന് കഴുത്ത് വേദനയ്ക്ക് ആശ്വാസമെന്ന് പുതിയ മെഡിക്കല് ബുള്ളറ്റിന്.മന്ത്രിക്ക് അടിയന്തര ശസ്ത്രക്രിയ വേണ്ടതില്ലെന്നും ഡോക്ടര്മാര് അറിയിച്ചു.
രക്തസമ്മര്ദ്ദം മരുന്നുകളാല് നിയന്ത്രണവിധേയമാണ്.കഴുത്തിലെ കശേരുക്കളില് ഉണ്ടായ സമ്മര്ദ്ദമാണ് വേദനയ്ക്ക് കാരണം.യാത്ര ചെയ്യാനാകാത്തത് കൊണ്ട് പരിയാരം മെഡിക്കല് കോളേജില് ചികിത്സയില് തുടരുമെന്നും മെഡിക്കല് ബുള്ളറ്റിനില് പറയുന്നു.
കഴിഞ്ഞ ദിവസം ഉച്ച തിരിഞ്ഞ് മൂന്നരയോടെയാണ് കണ്ണൂര് റെയില്വേ സ്റ്റേഷനില് വീണാ ജോര്ജിനെതിരെ കെഎസ്യു പ്രവര്ത്തകരുടെ പ്രതിഷേധം ഉണ്ടായത്.വന്ദേഭാരത് ട്രെയിനില് തിരുവനന്തപുരത്തേക്ക് മടങ്ങാനെത്തിയ മന്ത്രിയെ പ്ലാറ്റ്ഫോമില് കെഎസ്യു പ്രവര്ത്തകര് കരിങ്കൊടി കാണിക്കുകയായിരുന്നു.
മന്ത്രി തിരിഞ്ഞ് നിന്ന് യൂത്ത് കോണ്ഗ്രസുകാരോട് രൂക്ഷമായി പ്രതികരിച്ചപ്പോള് പൊലീസ് പിടിച്ചുമാറ്റി. പ്രതിഷേധത്തിനിടെ കഴുത്തിന് പരിക്കേറ്റെന്ന് പറഞ്ഞ് മന്ത്രി അല്പസമയം പ്ലാറ്റ്ഫോമില് ഇരുന്നു. പിന്നീട് മന്ത്രിയെ കണ്ണൂര് ജില്ലാ ആശുപത്രിയിലേക്കും തുടര്ന്ന് പരിയാരം മെഡിക്കല് കോളേജ് ആശുപത്രിയിലേക്കും മാറ്റി.