ന്യൂദല്ഹി: എല്ലാ സ്ഥാപനങ്ങളിലെയും സ്ത്രീകള്ക്ക് ശമ്പളത്തോടെയുള്ള ആര്ത്തവ അവധി അനുവദിക്കണമെന്ന് ആവശ്യപ്പെട്ട് സമര്പ്പിച്ച റിട്ട് ഹര്ജി സുപ്രീം കോടതി തീര്പ്പാക്കി. എല്ലാ കക്ഷികളുമായി കൂടിയാലോചിച്ച് ആര്ത്തവ അവധി നയം രൂപപ്പെടുത്തുന്നതിന് ഹര്ജിക്കാരന്റെ പ്രാതിനിധ്യം പരിഗണിക്കണമെന്ന് കേന്ദ്ര സര്ക്കാരിനോട് കോടതി ആവശ്യപ്പെട്ടു. നിയമനിര്മ്മാണം വഴി ആര്ത്തവ അവധി നിര്ബന്ധമാക്കുന്നത് സ്ത്രീകളുടെ ജോലിയില് പ്രത്യാഘാതങ്ങള് ഉണ്ടാക്കുമെന്ന് കോടതി ആശങ്ക പ്രകടിപ്പിച്ചു. സ്ത്രീകളെ ജോലിക്കെടുക്കുന്നതില് നിന്ന് തൊഴിലുടമകളെ ഇത് നിരുത്സാഹപ്പെടുത്തുമെന്നും അതുവഴി തൊഴില് മേഖലയിലെ അവരുടെ പങ്കാളിത്തത്തെ പ്രതികൂലമായി ബാധിക്കുമെന്നും ചീഫ് ജസ്റ്റിസ് സൂര്യകാന്ത് , ജസ്റ്റിസ് ജോയ്മല്യ ബാഗ്ചി എന്നിവരടങ്ങിയ ബെഞ്ച് അഭിപ്രായപ്പെട്ടു.