കൊച്ചി: ആറ്റുകാലമ്മ തെരഞ്ഞെടുപ്പില് മത്സരിക്കുന്നുണ്ടോ എന്ന് ചോദിച്ച് ഹൈക്കോടതി.ആറ്റുകാലമ്മയുടെ പേരില് എന്തിനാണ് ഫ്ലക്സ് ബോര്ഡുകള് സ്ഥാപിക്കുന്നതെന്നും കോടതി ചോദിച്ചു.
സ്പോണ്സര്മാരുടെ മുഖം പ്രദര്ശിപ്പിക്കാനാണ് ഫ്ലക്സ് ബോര്ഡുകള് സ്ഥാപിക്കുന്നതെന്നു വിമര്ശിച്ച ഹൈക്കോടതി അനധികൃതമായി സ്ഥാപിച്ച ഫ്ലക്സുകള് എത്രയും വേഗം നീക്കം ചെയ്യാനും നിര്ദ്ദേശിച്ചു.പൊതു സ്ഥലങ്ങളില് അനധികൃതമായി ഫ്ലക്സ് ബോര്ഡ് സ്ഥാപിക്കുന്നത് ഹൈക്കോടതി നേരത്തെ തടഞ്ഞിരുന്നു. അതിനിടെയാണ് ആറ്റുകാല് പൊങ്കാലയോടു അനുബന്ധിച്ച് തിരുവനന്തപുരം നഗരത്തില് വിവിധയിടങ്ങളില് ഫ്ലക്സ് ബോര്ഡുകള് സ്ഥാപിച്ചത്. ഇത് ഹൈക്കോടതിയുടെ ശ്രദ്ധയില് പെട്ടതോടെയാണ് നീക്കം ചെയ്യാന് നിര്ദ്ദേശം നല്കിയത്.
അനധികൃത ഫ്ലക്സ് ബോര്ഡുകളുമായി ബന്ധപ്പെട്ട കേസ് പരിഗണിക്കവെയാണ് ആറ്റുകാലമ്മയുടെ പേരില് എന്തിനാണ് ഫ്ലക്സ് സ്ഥാപിക്കുന്നതെന്ന് ജസ്റ്റിസ് ദേവന് രാമചന്ദ്രന് ചോദിച്ചത്.