കോട്ടയം: ഇനിയുള്ള കാലം അധികാരശ്രേണിയില്‍ വിരാജിക്കാന്‍ ഈഴവ സമുദായത്തിന് കഴിയണമെന്ന് എസ്എന്‍ഡിപി യോഗം ജനറല്‍ സെക്രട്ടറി വെള്ളാപ്പള്ളി നടേശന്‍. ഗുരുവിനെ മുന്‍നിര്‍ത്തി ഈഴവ സമുദായത്തെ ജാതി പറയാന്‍ പാടില്ലാത്ത സമുദായമാക്കി മാറ്റി. അതേസമയം മറ്റുള്ളവര്‍ ജാതി പറഞ്ഞു നേട്ടം ഉണ്ടാക്കി. ചിലര്‍ അപവാദം പ്രചരി പ്പിച്ചും നുണ പറഞ്ഞും യോഗത്തെ തകര്‍ക്കാനാണ് ശ്രമിക്കുന്നത് .വിദ്യാഭ്യാസ സാമൂഹ്യ കാര്യങ്ങളില്‍ ഈഴവ സമുദായത്തിന് നീതി കിട്ടുന്നില്ലെന്നുള്ള പതിവ് പരാതി വെള്ളാപ്പള്ളി ആവര്‍ത്തിച്ചു. ആദര്‍ശ രാഷ്‌ട്രീയം അവസാനിച്ചുവെന്നും അധികാരാഷ്‌ട്രീയമാണ് ഇപ്പോള്‍ നിലനില്‍ക്കുന്നതെന്നും അദ്‌ദേഹം വിലയിരുത്തി. എസ്എന്‍ഡിപി യോഗം പിഴക് ശാഖയില്‍ സംസാരിക്കുകയായിരുന്നു വെള്ളാപ്പള്ളി. മീനച്ചില്‍ യൂണിയന്‍ ചെയര്‍മാന്‍ സുരേഷ് ഇട്ടിക്കുന്നേല്‍ അധ്യക്ഷത വഹിച്ചു.