ഇന്ന് നാട്ടിലേക്കു മടങ്ങാനിരുന്ന പ്രവാസി അബുദാബിയില്‍ മരണപ്പെട്ടു. നാട്ടിലേക്കുള്ള സാധനങ്ങള്‍ വാങ്ങിക്കുന്നതിനിടെ കുഴഞ്ഞു വീഴുകയായിരുന്നു. തിരുവനന്തപുരം പെരുമാതുറ മാടന്‍വിള സ്വദേശി കൊച്ചുതിട്ട വീട്ടില്‍ ശംസുദ്ധീന്‍ (59 ആണ് മരിച്ചത്. കഴിഞ്ഞ 30 വര്‍ഷമായി അബുദാബി പെപ്‌സി കമ്പനിയിലെ ജീവനക്കാരനായിരുന്നു. പ്രവാസ ജീവിതം അവസാനിപ്പിച്ചു ഇന്ന് രാത്രി നാട്ടിലേക്ക് പോകാനിരിക്കുകയായിരുന്നു.
നാട്ടില്‍ കൊണ്ടുപോകാനുള്ള സാധനങ്ങള്‍ വാങ്ങുന്നതിനിടെയാണ് ഷോപ്പില്‍ വെച്ച് ഹൃദയാഘാതമുണ്ടായത്. നടപടിക്രമങ്ങള്‍ പുറത്തയാക്കി മയ്യിത്ത് നാട്ടിലേക്ക് കൊണ്ടുപോകും. നദീറയാണ് ഭാര്യ. മക്കള്‍ അര്‍ഫാന്‍, ഫര്‍സാന