ഇസ്രാഈലും ഇറാനും തമ്മിലുള്ള വെടിനിര്‍ത്തല്‍ കഴിഞ്ഞ ദിവസം പ്രാബല്യത്തില്‍ വന്നു. ഇരു രാജ്യങ്ങളും ആദ്യം കരാര്‍ നിഷേധിച്ചെങ്കിലും പിന്നീട് 12 ദിവസത്തെ നേരിട്ടുള്ള സൈനിക നടപടികള്‍ നിര്‍ത്താന്‍ തയ്യാറായി. ഇസ്രാഈലുമായുള്ള യുദ്ധം അവസാനിച്ചതായി പ്രഖ്യാപിച്ചതിന് ശേഷം യുഎസുമായുള്ള ചര്‍ച്ചയിലേക്ക് മടങ്ങാന്‍ ഇറാന്‍ പ്രസിഡന്റ് മസൂദ് പെസെഷ്‌കിയാന്‍ സന്നദ്ധത പ്രകടിപ്പിച്ചു. ഇറാനുമായുള്ള യുദ്ധത്തില്‍ ചരിത്ര വിജയം നേടിയെന്ന് ഇസ്രാഈല്‍ അവകാശപ്പെട്ടു.
ഗസ്സയിലെ വംശഹത്യ യുദ്ധത്തിലേക്ക് തങ്ങളുടെ ശ്രദ്ധ ഇപ്പോള്‍ മാറിയിരിക്കുകയാണെന്ന് പറഞ്ഞു. ടെല്‍ അവീവിനെ ചൂണ്ടിക്കാണിക്കുകയും ടെഹ്റാനിലെ ആക്രമണം അവസാനിപ്പിക്കാന്‍ ഉത്തരവിടുകയും ചെയ്യുമ്പോള്‍ ഇറാനും ഇസ്രാഈലും വെടിനിര്‍ത്തല്‍ കരാര്‍ ലംഘിച്ചുവെന്ന് യുഎസ് പ്രസിഡന്റ് ഡൊണാള്‍ഡ് ട്രംപ് ആരോപിച്ചു.
ഗസ്സയില്‍ 46 ഫലസ്തീന്‍ സഹായ അഭ്യര്‍ഥകര്‍ കൊല്ലപ്പെട്ടു. യുഎസ് പിന്തുണയുള്ള ഗാസ ഹ്യൂമാനിറ്റേറിയന്‍ ഫൗണ്ടേഷന്റെ (ജിഎച്ച്എഫ്) വിതരണ സൈറ്റുകളില്‍ സഹായം സ്വീകരിക്കാന്‍ കാത്തുനിന്ന പട്ടിണിപ്പാവങ്ങളായ 46 ഫലസ്തീനികളെ ഇസ്രാഈല്‍ ചൊവ്വാഴ്ച കൊലപ്പെടുത്തുകയായിരുന്നു.