ഇറാന്റെ ആണവകേന്ദ്രങ്ങള്‍ ലക്ഷ്യമിട്ട് ഇസ്രാഈല്‍ നടത്തിയ സൈനിക ആക്രമണത്തില്‍ ഇറാന്‍ സൈനിക മേധാവി ജനറല്‍ മുഹമ്മദ് ബഗേരി കൊല്ലപ്പെട്ടു.
ഇന്ന് രാവിലെ ഇസ്രാഈല്‍ ഒന്നിലധികം ഇറാനിയന്‍ സൈനിക, ആണവ കേന്ദ്രങ്ങളും മുതിര്‍ന്ന സുരക്ഷാ ഉദ്യോഗസ്ഥര്‍ താമസിക്കുന്ന ടെഹ്റാനിലെ റെസിഡന്‍ഷ്യല്‍ ഹോമുകളും ആക്രമിച്ചു.
ആക്രമണത്തില്‍ ഇറാന്‍ സൈന്യത്തിലെ നിരവധി മുതിര്‍ന്ന അംഗങ്ങള്‍ കൊല്ലപ്പെട്ടു.
ഇറാന്‍ സൈന്യത്തിന്റെയും രാജ്യത്തെ ഇസ്ലാമിക് റെവല്യൂഷണറി ഗാര്‍ഡ്സ് കോര്‍പ്സിന്റെയും (ഐആര്‍ജിസി) മേല്‍നോട്ടം വഹിച്ചിരുന്നത് ബഗേരിയാണ്. ഇന്ന് പുലര്‍ച്ചെയാണ് ഇസ്രാഈല്‍ ഇറാനില്‍ ആക്രമണം നടത്തിയത്. ഇറാന്റെ തലസ്ഥാനമായ തെഹ്റാനിലാണ് സ്ഫോടനങ്ങള്‍ നടന്നത്. ആണവ കേന്ദ്രങ്ങളും സൈനിക കേന്ദ്രങ്ങളുമാണ് ഇസ്രാഈല്‍ ആക്രമിച്ചത്.
ഇറാന്റെ ആണവായുധ പദ്ധതിയുടെ ഹൃദയത്തിലേക്കാണ് ആക്രമണം നടത്തിയതെന്നാണ് പ്രധാനമന്ത്രി ബെഞ്ചമിന്‍ നെതന്യാഹു പറഞ്ഞത്. ഇറാനിലെ നതന്‍സിലെ പ്രധാന ആണവ കേന്ദ്രത്തിലേക്കാണ് ആക്രമണം നടത്തിയതെന്നും അദ്ദേഹം പറഞ്ഞു.