മുംബൈ:: ഒരു ഭാഗത്ത് ശരത് പവാറും ഉപമുഖ്യമന്ത്രി ഏക്നാഥ് ഷിന്ഡേയും തമ്മില് അടുക്കുന്നതിനിടെ എന്സിപിയില് നിന്നും എംപിമാര് ബിജെപിയിലേക്ക് ഒഴുകാന് സാധ്യതയുണ്ടെന്നും സൂചനകള്. ചൊവ്വാഴ്ച അജിത് പവാര് എന്സിപി നേതാക്കളായ പ്രഫുല് പട്ടേലും സുനില് തത്കറെയും മുഖ്യമന്ത്രി ഫഡ് നാവിസിനെ കണ്ടതോടെയാണ് ഈ അഭ്യൂഹം ശക്തമാകുന്നത്.
അതേ സമയം ഇതിന് പിന്നാലെ ശരത് പവാര് പക്ഷത്തിലെ നേതാവ് ജയന്ത് പാട്ടീലും മുഖ്യമന്ത്രി ഫഡ്നാവിസുമായി അദ്ദേഹത്തിന്റെ ഔദ്യോഗിക വസതിയായ വര്ഷയില് കൂടിക്കാഴ്ച നടത്തി. ഇതോടെ ഇരുവിഭാഗം എന്സിപി പക്ഷത്തിലേയും നേതാക്കള് ബിജെപിയിലേക്ക് പോകുന്നുവെന്ന സൂചനകള് പുറത്തുവരികയാണ്. അതേ സമയം, അജിത് പവാര് മരണപ്പെട്ടത് ഈയിടെ ആണെന്നതിനാല് ആ പക്ഷത്ത് നിന്നുള്ള നേതാക്കളെ ചാക്കിട്ട് പിടിക്കാന് ബിജെപി ശ്രമിച്ചേക്കില്ലെന്ന സൂചനകളും പുറത്തുവരുന്നുണ്ട്.
കഴിഞ്ഞ ആഴ്ച ഉപമുഖ്യമന്ത്രി ഏക്നാഥ് ഷിന്ഡേയുടെ ഓഫീസില് ശരത് പവാര് എന്സിപി യോഗം വിളിച്ചുചേര്ത്തത് ഉദ്ധവ് താക്കറെ പക്ഷത്തെ ചൊടിപ്പിച്ചിരുന്നു. അന്ന് മന്ത്രിസഭായോഗം ചേരുന്നതിനിടയില് നിന്നും ഏഴുന്നേറ്റ് വന്ന ഏക്നാഥ് ഷിന്ഡേ ശരത് പവാറിനെ കണ്ടതും ഉദ്ധവ് താക്കറെ പക്ഷത്തെ ചൊടിപ്പിച്ചിരുന്നു. ഇതോടെ ശരത് പവാര് പക്ഷം ഷിന്ഡേ വിഭാഗം ശിവസേനയില് ലയിക്കുമെന്ന അഭ്യൂഹങ്ങളും ഉയരന്നിരുന്നു.