എറണാകുളം:എറണാകുളത്ത് ഓടിക്കൊണ്ടിരുന്ന കാറിന് തീപിടിച്ച് കത്തിനശിച്ചു.അമ്പലമുകള്‍ കുഴിക്കാട് രാത്രി 7.30ഓടെയായിരുന്നു സംഭവം.
പുത്തന്‍കുരിശ് സ്വദേശി സഞ്ചരിച്ച കാര്‍ ആണ് കത്തിയത്.കാറിന് തീപിടിച്ചത് കണ്ട് പുറത്തിറങ്ങിയതിനാല്‍ കാര്‍ ഓടിച്ചിരുന്ന പുത്തന്‍കുരിശ് സ്വദേശി രക്ഷപ്പെട്ടു.
അമ്പലമുകള്‍ ബിപിസിഎല്ലിന്റെ ഗ്യാസ് പ്ലാന്റിന് സമീപത്തെ റോഡിലായിരുന്നു കാര്‍ കത്തിയത്. വിവരം അറിഞ്ഞ് അഗ്നിരക്ഷാ സേന എത്തി തീ കെടുത്തിയെങ്കിലും കാര്‍ പൂര്‍ണമായും കത്തി നശിച്ചു.