എറണാകുളം: നെട്ടൂരില്‍ 10 വയസുള്ള രണ്ട് പെണ്‍കുട്ടികളെ തട്ടിക്കൊണ്ടുപോകാന്‍ ശ്രമമെന്ന് പരാതി. ട്യൂഷന്‍ കഴിഞ്ഞ് മടങ്ങിയ കുട്ടികളെയാണ തട്ടിക്കൊണ്ടു പോകാന്‍ ശ്രമിച്ചത്.
കുട്ടികള്‍ക്കു മുന്നില്‍ നഗ്‌നതാ പ്രദര്‍ശനം നടത്തുകയും ചെയ്‌തെന്നാണ് പരാതി. മിഠായി നല്‍കി പ്രലോഭിപ്പിക്കാന്‍ ശ്രമിച്ചു. ഇരുചക്ര വാഹനത്തിലാണ് അക്രമി എത്തിയതെന്നും പിന്നില്‍ ഒരു വാന്‍ നിര്‍ത്തിയിരുന്നുവെന്നും കുട്ടികള്‍ പറഞ്ഞു.ഇയാള്‍ മാസ്‌ക് ധരിച്ചിരുന്നുവെന്നും കുട്ടികള്‍ വ്യക്തമാക്കി.
പൊലീസിനെ വിവരം അറിയിച്ചെങ്കിലും അടുത്ത ദിവസം കൂടുതലായി പരിശോധിക്കാമെന്ന് പറഞ്ഞുപോയെന്ന് രക്ഷിതാക്കള്‍ കുറ്റപ്പെടുത്തി. കൂടെ വന്നില്ലെങ്കില്‍ തട്ടിക്കൊണ്ടു പോകുമെന്ന് അക്രമി ഭീഷണിപ്പെടുത്തിയെന്ന് കുട്ടികള്‍ പറഞ്ഞു.