ന്യൂദല്ഹി: പാര്ലമെന്റില് തന്നിഷ്ടപ്രകാരം പെരുമാറുന്ന രീതി ഒരു പാര്ട്ടിയുടെയും കുടുംബത്തിന്റെയും അഹങ്കാരത്തിന്റെ ഭാഗമാണെന്ന് ബിജെപി എംപി അനുരാഗ് താക്കൂര്. സ്പീക്കറുടെ അനുമതി ലഭിയ്ക്കാതെ പാര്ലമെന്റില് പ്രസംഗിക്കാന് കഴിയില്ലെന്ന് എല്ലാ എംപിമാര്ക്കും അറിയാം. എന്നാല് രാഹുല് ഗാന്ധി അത് അനുസരിക്കുന്നില്ല. – അനുരാഗ് താക്കൂര് പറഞ്ഞു.
ഇത് അധികാരം കൊണ്ട് മത്ത് പിടിച്ച അവസ്ഥയാണ്. സഭാധ്യക്ഷന് നേരെ സഭാരേഖകള് ചീന്തി വലിച്ചെറിയുക എന്നത് എത്രത്തോളം അഹങ്കാരം നിറഞ്ഞ രീതിയാണ്. ഇന്ത്യന് പട്ടാളക്കാരെ അപമാനിക്കുക- അതാണിപ്പോള് കോണ്ഗ്രസിന്റെ ഏക അജണ്ട- അനുരാഗ് താക്കൂര് പറഞ്ഞു.
രാഹുല് ഗാന്ധി പാര്ലമെന്റിനെയും ജനാധിപത്യത്തെയും അവഹേളിക്കുകയാണെന്നും അനുരാഗ് താക്കൂര് കുറ്റപ്പെടുത്തി.