തിരുവനന്തപുരം: ഇത്തവണ ഓണം റിലീസായി എത്തുന്നത് പൃഥ്വിരാജിന്റെയും ദുല്ഖര് സല്മാന്റെയും നിവിന് പോളിയുടെയും സിനിമകള്. പൃഥ്വിരാജും സംവിധായകൻ വൈശാഖും ഒരുമിക്കുന്ന ഖലീഫ ആക്ഷൻ ത്രില്ലർ ആണ്. മോഹൻലാല് അതിഥി വേഷത്തില് എത്തുന്നതിനാല് ഏറെ പ്രതീക്ഷിലാണ് ലാല് ആരാധകര്.
ദുല്ഖർ സല്മാൻ നായകനായി നഹാസ് ഹിദായത്ത് സംവിധാനം ചെയ്യുന്ന ഐ ആം ഗെയിമും ഒരു ആക്ഷൻ ത്രില്ലറാണ്. തമിഴ് താരങ്ങളായ മിഷ്കിൻ, സംയുക്ത വിശ്വനാഥൻ എന്നിവരും ആദ്യമായി മലയാള സിനിമയില് അരങ്ങേറുന്നു. ആഗസ്റ്റ് 20ന് ഖലീഫയും ഐ ആം ഗെയിമും റിലീസ് ചെയ്യും. ജേക്സ് ബിജോയ്യും ചമൻ ചാക്കോയുമാണ് ഖലീഫയുടെയും ഗെയിമിന്റെയും ഈണവും ചിത്രസംയോജനവും ഒരുക്കുന്നത്. പ്രേമലു എന്ന ബ്ളോക് ബസ്റ്ററിനുശേഷം ഗിരീഷ് എ.ഡി സംവിധാനം ചെയ്യുന്ന ബെത്ലഹേം കുടുംബയൂണിറ്റ് ആഗസ്റ്റ് 21ന് റിലീസ് ചെയ്യും.