ന്യൂദൽഹി : ഇന്ത്യൻ സൈന്യത്തിന്റെ കരുത്തിനെ അവഹേളിച്ച് മഹാരാഷ്‌ട്ര മുൻ കോൺഗ്രസ് മേധാവിയും എംഎൽഎയുമായ നാന പടോൾ . ഓപ്പറേഷൻ സിന്ദൂർ “കുട്ടികൾ കളിക്കുന്ന കമ്പ്യൂട്ടർ ഗെയിമുകൾ” പോലെയാണ് എന്നാണ് പടോളിന്റെ പ്രസ്താവന.

“ഇന്ത്യയും പാകിസ്ഥാനുമായുള്ള വ്യാപാരം നിർത്തുമെന്നും അതിനാൽ അവർ വെടിനിർത്തൽ പ്രഖ്യാപിക്കണമെന്നും ഇരു രാജ്യങ്ങളേയും ഭീഷണിപ്പെടുത്തിയതായി യുഎസ് പ്രസിഡന്റ് ട്രംപ് പലതവണ പറഞ്ഞിരുന്നു. ഓപ്പറേഷൻ സിന്ദൂർ നിർത്തി. കുട്ടികൾ കളിക്കുന്ന കമ്പ്യൂട്ടർ ഗെയിമുകൾ പോലെ കളിച്ച ഒരു ഗെയിമായിരുന്നു ഇത് ,” നാന പടോൾ പറഞ്ഞു.

നേരത്തെ കോൺഗ്രസ് നേതാവ് മല്ലികാർജുൻ ഖാർഗെയും ഓപ്പറേഷൻ സിന്ദൂർ നിസാരമായ യുദ്ധമാണെന്ന് പറഞ്ഞ് ഇന്ത്യയെ താഴ്‌ത്തിക്കെട്ടാൻ ശ്രമിച്ചിരുന്നു.