ന്യൂദല്ഹി: കൊച്ചി അന്താരാഷ്ട്ര വിമാനത്താവളം (സിയാല്) വിവരാവകാശ നിയമത്തിന്റെ പരിധിയില് വരുമെന്ന ഹൈക്കോടതി ഉത്തരവ് സുപ്രീം കോടതി ശരിവച്ചു. അതേസമയം, സിയാലിന്റെ മാനേജിംഗ് ഡയറക്ടര്ക്ക് ഹൈക്കോടതി ചെലവിനത്തില് ഒരു ലക്ഷം രൂപ പിഴ ചുമത്തിയത് ജസ്റ്റിസുമാരായ വിക്രം നാഥ്, സന്ദീപ് മേത്ത എന്നിവരടങ്ങിയ ബെഞ്ച് ഒഴിവാക്കി. സിയാലിന് വേണ്ടി മുതിര്ന്ന അഭിഭാഷകന് മുകുള് റോഹത്ഗിയാണ് ഹാജരായി.
2019-ല്, സംസ്ഥാന വിവരാവകാശ കമ്മീഷന് സിയാലില് നിന്ന് ചില വിവരങ്ങള് വെളിപ്പെടുത്താന് നിര്ദ്ദേശിച്ചെങ്കിലും അതു നിരാകരിച്ചതോടെയാണ് വിഷയം കോടതിയുടെ പരിഗണനക്കെത്തിയത
2022 ഡിസംബറില്, ഹൈക്കോടതിയുടെ സിംഗിള് ബെഞ്ച് സംസ്ഥാന വിവരാവകാശ കമ്മീഷന്റെ നിഗമനം ശരിവയ്ക്കുകയും സിയാല് ആര്ടിഐ നിയമത്തിന് കീഴിലുള്ള ഒരു പൊതു അതോറിറ്റിയാണെന്ന് വിധിക്കുകയും ചെയ്തു. ഇതിനെതിരെയാണ് സുപ്രീം കോടതിയെ സമീപിച്ചത്.