കോഴിക്കോട്: കോഴിക്കോട്ടെ കോൺഗ്രസ് എംപിയും സ്ഥാനാർത്ഥി നിർണ്ണയത്തിൽ ഇടയുന്നു. തോൽക്കുന്ന സീറ്റെടുത്ത് വിജയിക്കാൻ പറ്റുമോ എന്നു നോക്കണമെന്ന് മുതിർന്ന നേതാക്കൾ ആവശ്യപ്പെട്ടിരുന്നു, പക്ഷേ പിന്നെ എന്തു സംഭവിച്ചുവെന്ന് അറിയില്ലെന്ന് എം.കെ. രാഘവൻ എംപി കോഴിക്കോട്ടു പറഞ്ഞു. സീറ്റ് ആവശ്യപ്പെട്ടിട്ടില്ലെന്നും ഇങ്ങോട്ടു പറഞ്ഞ നേതാക്കൾ ആരൊക്കെയെന്ന് പിന്നീട് പറയും. കോൺഗ്രസിന് കോഴിക്കോട്ട് എംഎൽഎ ഇല്ല. സാധ്യതയുള്ള ജില്ലയാണ്. ജില്ലയിലെ മുഴുവൻ യുഡിഎഫ് സ്ഥാനാർത്ഥികളെയും വിജയിപ്പിക്കുകയാണ് എന്റെ ഉത്തരവാദിത്വം. എനിക്ക് മൂന്നുവർഷംകൂടി എംപിയായി തുടരാം. ഞാൻ നിയമസഭയിലേക്ക് ആർക്കുവേണ്ടിയും ശുപാർശ ചെയ്തിട്ടില്ല. വിജയസാധ്യത നോക്കിവേണം സ്ഥാനാർത്ഥിയെ നിർണ്ണയിക്കാൻ എന്നു മാത്രമേ ആവശ്യപ്പെട്ടിട്ടുള്ളു, രാഘവൻ പറഞ്ഞു.