ന്യൂയോര്ക്ക് : ഗള്ഫ് രാജ്യങ്ങള്ക്കും ജോര്ദാനുമെതിരായ ഇറാന് ആക്രമണങ്ങളെ അപലപിക്കുന്ന കരട് പ്രമേയം ഐക്യരാഷ്ട്രസഭ സുരക്ഷാ കൗണ്സില് അംഗീകരിച്ചു.
ഗള്ഫ് സഹകരണ കൗണ്സില് (ജിസിസി) സ്പോണ്സറും 135 മറ്റ് യുഎന് അംഗരാജ്യങ്ങള് സഹസ്പോണ്സറുമായ പ്രമേയത്തെ അനുകൂലിച്ച് യുഎന് സുരക്ഷാ കൗണ്സിലിലെ 15 അംഗങ്ങളില് പതിമൂന്ന് അംഗങ്ങളും വോട്ട് ചെയ്തു. ഒരു രാജ്യവും പ്രമേയത്തിനെതിരെ വോട്ട് ചെയ്തില്ല. ചൈനയും റഷ്യയും വിട്ടുനിന്നു. പക്ഷെ വീറ്റോ അധികാരം ഉപയോഗിക്കേണ്ടതില്ലെന്ന് അവര് തീരുമാനിച്ചു.
ഇറാന്റെ ആക്രമണങ്ങളെ അപലപിക്കുന്ന പ്രമേയം, ശത്രുത ഉടനടി അവസാനിപ്പിക്കണമെന്ന് ആവശ്യപ്പെടുന്നു, ഗള്ഫ് മേഖലയിലെ തുറമുഖങ്ങള്, ഊര്ജ്ജ സൗകര്യങ്ങള് തുടങ്ങിയ അടിസ്ഥാന സൗകര്യങ്ങള് ലക്ഷ്യമിട്ടുള്ള ടെഹ്റാന്റെ നടപടിയെ പ്രമേയം അപലപിക്കുന്നു.