തിരുവനന്തപുരം: തെക്കന്‍ തമിഴ്‌നാടിനും മന്നാര്‍ കടലിടുക്കിനും മുകളിലായി ചക്രവാതച്ചുഴി രൂപപ്പെട്ടു. സംസ്‌ഥാനത്തെ വിവിധ ജില്ലകളില്‍ അതിശക്‌തമായ മഴ.

വരുന്ന നാലു ദിവസങ്ങളില്‍ മഴ തുടരും. ഇന്നു ആറ്‌ ജില്ലകളില്‍ ഓറഞ്ച്‌ അലെര്‍ട്ട്‌ പ്രഖ്യാപിച്ചിട്ടുണ്ട്‌. ഇന്നു പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂര്‍ ജില്ലകളില്‍ അതിശക്‌ത മഴയ്‌ക്ക് സാധ്യതയുണ്ട്‌. ഇതിനൊപ്പം തന്നെ സംസ്‌ഥാനത്ത്‌ ശക്‌തമായ കാറ്റിനും സാധ്യതയുണ്ടെന്ന്‌ കാലാവസ്‌ഥ വകുപ്പ്‌ മുന്നറിയിപ്പ്‌ നല്‍കി. മണിക്കൂറില്‍ 60 കിലോ മീറ്റര്‍ വരെ വേഗത്തില്‍ കാറ്റ്‌ ഉണ്ടാകാം.

കേരള കര്‍ണാടക ലക്ഷദ്വീപ്‌ തീരങ്ങളില്‍ ഏഴുവരെ മത്സ്യബന്ധനത്തിനു പോകാന്‍ പാടില്ലെന്നു കേന്ദ്ര കാലാവസ്‌ഥ വകുപ്പ്‌ അറിയിച്ചു. കള്ളക്കടല്‍ പ്രതിഭാസത്തിന്റെ ഭാഗമായി തിരുവനന്തപുരം (കാപ്പില്‍ മുതല്‍ പൊഴിയൂര്‍ വരെ), കൊല്ലം (ആലപ്പാട്ട്‌ മുതല്‍ ഇടവ വരെ), ആലപ്പുഴ (ചെല്ലാനം മുതല്‍ അഴീക്കല്‍ ജെട്ടി വരെ) ജില്ലകളിലെ തീരങ്ങളില്‍ ഇന്നു രാത്രി 08.30 വരെ 1.5 മുതല്‍ 1.8 മീറ്റര്‍ വരെ തിരമാലകള്‍ ഉയരാന്‍ സാധ്യതയുണ്ട്‌.

ഓറഞ്ച്‌ അലെര്‍ട്ട്‌

ഇന്ന്‌: പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂര്‍

നാളെ: പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂര്‍, പാലക്കാട്‌, മലപ്പുറം

ബുധന്‍: മലപ്പുറം, കോഴിക്കോട്‌, വയനാട്‌, കണ്ണൂര്‍, കാസര്‍ഗോഡ്‌

വ്യാഴം: കണ്ണൂര്‍, കാസര്‍ഗോഡ്‌

യെലോ അലെര്‍ട്ട്‌

ഇന്ന്‌: തിരുവനന്തപുരം, കൊല്ലം, പാലക്കാട്‌, മലപ്പുറം, കോഴിക്കോട്‌, വയനാട്‌, കണ്ണൂര്‍, കാസറഗോഡ്‌ നാളെ: തിരുവനന്തപുരം, കൊല്ലം, കോഴിക്കോട്‌, വയനാട്‌, കണ്ണൂര്‍, കാസര്‍ഗോഡ്‌

ബുധന്‍: പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂര്‍, പാലക്കാട്‌

വ്യാഴം: മലപ്പുറം, കോഴിക്കോട്‌, വയനാട്‌