കാരക്കാസ് ; അമേരിക്കയുടെ പട്ടാളക്കാര് വീട്ടില് നിന്നും വെനസ്വേലയുടെ പ്രസിഡന്റ് നിക്കോളാസ് മഡൂറോയെയും ഭാര്യയേയും പിടിച്ചുകൊണ്ടുപോയ ആ രാത്രിയില് ചെറുത്തുനില്ക്കാനാകാത്തവിധം നൂറുകണക്കിന് വെനസ്വേലന് പട്ടാളക്കാര് ചോരതുപ്പി മരിച്ചുവീണു. അതീവരഹസ്യമായി അമേരിക്ക വികസിപ്പിച്ച അതിമാരകമായ എനര്ജി വെപ്പണ് വെനസ്വേലയിലെ ദൗത്യത്തില് ഉപയോഗിച്ചതായി റിപ്പോര്ട്ടുകള് പുറത്തുവരുന്നു. .
അമേരിക്കയുടെ നൂറുകണക്കിന് ഡ്രോണുകളും 150ഓളം യുദ്ധവിമാനങ്ങളും പറന്നെത്തിയതിന് പിന്നാലെയാണ് പൊടുന്നനെ ഒരു കാര്യം സംഭവിച്ചത്. തോക്കുമായി മഢുറോയെ സംരക്ഷിക്കാന് കാവല് നിന്ന നൂറുകണക്കിന് പട്ടാളക്കാര് അതാ ചോരതുപ്പി മരിച്ചുവീഴുന്നു. ഇവര്ക്ക് നേരെ വെടിയുണ്ടകളോ മിസൈലുകളുോ പാഞ്ഞുചെന്നില്ല.
പക്രം അമേരിക്കയുടെ പ്രത്യേക സേന എന്തൊ ഒരു ആയുധം പ്രയോഗിച്ചു. ഉടനെ അന്തരീക്ഷത്തിൽ എന്തോ മാറ്റം സംഭവിച്ചു. പെട്ടെന്ന്, കാവൽ നിന്നിരുന്ന കരുത്തരായ സൈനികർ മുട്ടുകുത്തി വീഴാൻ തുടങ്ങി. എല്ലാവരുടെയും മൂക്കിലൂടെയും വായയിലൂടെയും ചോര ഒലിക്കാൻ തുടങ്ങി. ചിലർ വാതോരാതെ രക്തം ഛർദ്ദിച്ചു. ആന്തരിക അവയവങ്ങൾ തകരുന്നതുപോലെ അവർ പിടഞ്ഞു.
നൂറുകണക്കിന് വെനസ്വേലൻ പോരാളികളാണ് മിനിറ്റുകൾക്കുള്ളിൽ മരിച്ചുവീണത്. എന്നാൽ അത്ഭുതകരമെന്നു പറയട്ടെ, അമേരിക്കൻ ഭാഗത്ത് ഒരു പോറലേറ്റ സൈനികൻ പോലുമില്ലായിരുന്നു. മുമ്പൊരിക്കലും കേട്ടിട്ടില്ലാത്ത തരം സാങ്കേതികവിദ്യയാണ് അമേരിക്ക അവിടെ പരീക്ഷിച്ചത്. വെടിയുണ്ട ഉപയോഗിക്കാതെ നൂറുകണക്കിന് ശത്രുക്കളെ തകർക്കുന്ന ആ ‘രഹസ്യ ആയുധം’
അമേരിക്കൻ സൈന്യം വർഷങ്ങളായി രഹസ്യമായി വികസിപ്പിച്ചുകൊണ്ടിരുന്ന ‘ഡയറക്ടഡ് എനർജി വെപ്പൺസ്’ ആദ്യമായി യുദ്ധമുഖത്ത് പ്രയോഗിച്ചതിന്റെ സൂചനകളാണ് ഇപ്പോൾ പുറത്തുവരുന്നത്. ലേസർ രശ്മികളോ മൈക്രോവേവ് തരംഗങ്ങളോ ഉപയോഗിച്ച് ശത്രുവിനെ നിഷ്പ്രഭമാക്കുന്ന വിദ്യ. മൈക്രോവേവ് തരംഗങ്ങളോ അതിതീവ്രമായ ലേസർ രശ്മികളോ ഒരു നിശ്ചിത ലക്ഷ്യത്തിലേക്ക് കേന്ദ്രീകരിച്ച് പ്രയോഗിക്കുന്ന രീതിയാണിത്. ഇതിൽ നിന്ന് പുറപ്പെടുന്ന ഊർജ്ജം ലക്ഷ്യസ്ഥാനത്തുള്ള ആളുകളുടെ ആന്തരിക അവയവങ്ങളെയും നാഡീവ്യൂഹത്തെയും നേരിട്ട് ബാധിക്കും. പുറമെ മുറിവുകളുണ്ടാകില്ലെങ്കിലും ഉള്ളിൽ അത് കടുത്ത പ്രത്യാഘാതങ്ങൾ സൃഷ്ടിക്കും. ശരീരത്തിനുള്ളിലെ അതിസൂക്ഷ്മമായ രക്തക്കുഴലുകൾ തകരുന്നത് മൂലം മൂക്കിലൂടെയും വായിലൂടെയും രക്തം വരും.