ചെന്നൈ:ടിവികെ മന്ത്രിയായ ശരത് മകള്ക്ക് വെളുത്ത പൊടി കഴിക്കാന് നല്കുന്ന പഴയ വീഡിയോ കുത്തിപ്പൊക്കിക്കൊണ്ടുള്ള ഡിഎംകെയുടെ കടന്നാക്രമണത്തില് കുലുങ്ങി വിജയ്. ചെന്നൈയില് മകള്ക്കൊപ്പം ഐപിഎല് കാണുന്നതിനിടയിലാണ് തമിഴ്നാട്ടിലെ മാനവശേഷി വികസന മന്ത്രി ശരതകുമാര് മകള്ക്ക് വെളുത്ത പൊടി കഴിക്കാന് നല്കുന്നത്. ഇത് മയക്കമരുന്നാണെന്നാണ് ഡിഎംകെയുടെ വാദം.
ബാങ്കിന്റെ എടിഎം കാര്ഡ് ഉപയോഗിച്ച് ഗുളിക വലതുകൈ കൊണ്ട് പൊടിക്കുന്നതും ഇടത് കൈയില് ഒരു 500 രൂപാ നോട്ട് പിടിച്ചിരിക്കുന്നതും കാണാം. ഈ പൊടി മകള്ക്ക് നല്കിയെന്നാണ് ഡിഎംകെ ആരോപിക്കുന്നത്. തഗ് ലൈഫ് എന്ന പേരിലാണ് ഡിഎംകെ പ്രവര്ത്തകര് ഈ വീഡിയോ പങ്കുവെച്ചിരിക്കുന്നത്. ഇത് വിലകൂടിയ മയക്കമരുന്നാണെന്ന് ഡിഎംകെ അവകാശപ്പെടുന്നു.
അതിനാല് ഈ മന്ത്രിയെ മാറ്റാന് ആവശ്യപ്പെട്ടിരിക്കുകയാണ് ഡിഎംകെ നേതാവ് സ്റ്റാലിന്. എന്നാല് ഇത് മകള്ക്ക് നല്കിയ മരുന്നാണ് എന്നാണ് മന്ത്രി ശരതിന്റെ വാദം.
ഇക്കാര്യത്തില് അന്വേഷണത്തിന് ഉത്തരവിട്ടിരിക്കുകയാണ് മുഖ്യമന്ത്രി വിജയ്. കാരണം തമിഴ്നാട്ടില് വിജയ് മയക്കമരുന്നിനെതിരെ വലിയ പ്രചാരണം നടത്തുന്നതിനിടയിലാണ് ഈ വിവാദം ഉയര്ന്നിരിക്കുന്നത്. വിജയിന്റെ അടുത്ത അനുയായികളില് ഒരാളാണ് ശരത് എന്നത് വിജയിന് വെല്ലുവിളി ഉയര്ത്തുന്നു. പക്ഷെ മയക്കമരുന്ന് ഉപയോഗം പ്രോത്സാഹിപ്പിക്കുന്ന ഈ മന്ത്രിയെ മാറ്റാതെ പിന്വാങ്ങില്ലെന്ന വാശിയിലാണ് ഡിഎംകെ.