വയനാട്: വയനാട്ടിലെ സ്വകാര്യ ആശുപത്രിയില്‍ വ്യാജ രേഖ ചമച്ച് കാലങ്ങളായി ഡോക്ടറായി ചമഞ്ഞ് ചികിത്സ നടത്തിയിരുന്ന മെയില്‍ നഴ്‌സ് അറസ്റ്റില്‍. പേരാമ്പ്ര മുതുകാട് സ്വദേശി ജോബിനാണ് അറസ്റ്റിലായത്. സംശയം തോന്നി ചിലര്‍ പരാതി നല്‍കിയതോടെ കുറച്ചുകാലമായി അമ്പലവയല്‍ പൊലീസിന്‌റെ നിരീക്ഷണത്തിലായിരുന്നു ഇയാള്‍. ഇതിറിഞ്ഞ് ഇയാള്‍ ഒളിവില്‍ പോവുകയായിരുന്നു. തുടര്‍ന്ന് നടത്തിയ അന്വേഷണത്തില്‍ പേരാമ്പ്ര കല്ലോട് ഉള്ള വാടകവീട്ടില്‍ നിന്ന് ഇയെളെ പിടികൂടി. പരിസരപ്രദേശങ്ങളിലെ വിവിധ സ്വകാര്യ ആശുപത്രികളില്‍ ജോബിന്‍ നഴ്‌സായി ജോലി ചെയ്തിട്ടുണ്ടെന്ന് പൊലീസ് പറഞ്ഞു. ഈ പരിചയം വച്ചാണ് ഇയാള്‍ രോഗികളെ ചികിത്സിച്ചിരുന്നത്.