തിരുവനന്തപുരം: തിരുവനന്തപുരം സെന്ട്രല് മണ്ഡലം ഘടക കക്ഷിക്ക് വിട്ടു നല്കുന്നതിനെതിരെ കോണ്ഗ്രസില് പടയൊരുക്കം. സീറ്റ് മോഹിക്കുന്ന മുന് മന്ത്രി വി എസ് ശിവകുമാറിന്റെ നേതൃത്വത്തില് രഹസ്യ യോഗം ചേര്ന്നു.
സെന്ട്രല് മണ്ഡലം കോണ്ഗ്രസിന്റേത് എന്നുളള ചുവരെഴുത്തും പ്രത്യക്ഷപ്പെട്ടു.സി എം പിക്ക് മണ്ഡലം നല്കാനുളള നീക്കം കോണ്ഗ്രസില് നടക്കുന്ന സാഹചര്യത്തിലാണ് രഹസ്യയോഗം.
സി പി ജോണിനെ തിരുവനന്തപുരം സെന്ട്രലിലോ തിരുവമ്പാടിയിലോ മത്സരിപ്പിക്കാനാണ് കോണ്ഗ്രസ് നേതൃത്വത്തിന് താത്പര്യം. എന്നാല് തൃശൂര്ക്കാരനായ സി പി ജോണിനെ ഇവിടെ വേണ്ടെന്നാണ് തിരുവനന്തപുരത്തെ നേതാക്കളും പ്രവര്ത്തകരും പറയുന്നത്.ദേശാടന പക്ഷികളെ ഇവിടെ വേണ്ടെന്നാണ് നിലപാട്.
സി പി ജോണ് കുന്ദമംഗലത്ത് നേരത്തേ രണ്ട് തവണ മത്സരിച്ചെങ്കിലും പരാജയപ്പെട്ടിരുന്നു.