ജുബ: ദക്ഷിണ സുഡാനില്‍ വിമാനം തകര്‍ന്നുവീണ് 20 മരണം. യുണിറ്റി സ്‌റ്റേറ്റിലാണ് അപകടം. പറന്നുയര്‍ന്ന് അല്‍പ്പസമയം കഴിഞ്ഞ് വിമാനം തകര്‍ന്നുവീഴുകയായിരുന്നു.
ചൈനീസ് എണ്ണ കമ്പനിയായ ഗ്രേറ്റര്‍ പയനീര്‍ ഓപ്പേറേറ്റിംഗ് കമ്പനിയുടെ വിമാനമാണ് അപകടത്തില്‍പ്പെട്ടത്. 21 പേരാണ് വിമാനത്തിലുണ്ടായിരുന്നത്.
മരിച്ചവരില്‍ ഒരാള്‍ ഇന്ത്യക്കാരനാണ്. 17 ദക്ഷിണ സുഡാന്‍കാരും രണ്ട് ചൈനക്കാരും അപകടത്തില്‍ മരിച്ചു. എല്ലാവരും ഗ്രേറ്റര്‍ പയനീര്‍ ഓപ്പേറേറ്റിംഗ് കമ്പനി ജീവനക്കാരാണ്.
ദക്ഷിണ സുഡാന്‍കാരനായ ഒരു ജീവനക്കാരന്‍ മാത്രമാണ് രക്ഷപ്പെട്ടത്. ഇയാളെ ആശുപത്രിയില്‍ പ്രവേശിപ്പിച്ചു.