തിരുവനന്തപുരം: തിരുവിതാംകൂര്‍ ദേവസ്വം ബോര്‍ഡിലെ എല്‍.ഡി ക്ലര്‍ക്ക്/ സബ് ഗ്രൂപ്പ് ഓഫീസര്‍ ഗ്രേഡ് II തസ്തികയിലേക്ക് കേരള ദേവസ്വം റിക്രൂട്ട്മെന്റ് ബോര്‍ഡ് മാര്‍ച്ച് 29ന് ഉച്ചയ്‌ക്ക് 1.30 മുതല്‍ 3.15 വരെ തിരുവനന്തപൂരം ജില്ലയിലെ വിവിധ പരീക്ഷാകേന്ദ്രങ്ങളില്‍ ഒ.എം.ആര്‍ പരീക്ഷ നടത്തും. ഹാള്‍ ടിക്കറ്റുകള്‍ ഉദ്യോഗാര്‍ത്ഥികളുടെ പ്രൊഫൈലില്‍ ലഭിക്കും. കൂടുതല്‍ വിവരങ്ങള്‍ക്ക്: www.kdrb.kerala.gov.in.

പരീക്ഷ എഴുതുന്നതിനായി ഹാള്‍ടിക്കറ്റ് ലഭിച്ചിട്ടുള്ള 40 ശതമാനത്തിന് മുകളില്‍ ഭിന്നശേഷിയുള്ള ഉദ്യോഗാര്‍ത്ഥികള്‍ക്ക് സ്‌ക്രൈബിന്റെ സഹായം ആവശ്യമുണ്ടെങ്കില്‍ അപേക്ഷ സമര്‍പ്പിക്കാം. ദേവജാലിക പ്രൊഫൈല്‍ മുഖേന സമര്‍പ്പിച്ച അപേക്ഷയില്‍ ഭിന്നശേഷി വിഭാഗത്തില്‍പ്പെട്ട ഉദ്യോഗാര്‍ത്ഥിയാണെന്ന് അവകാശപ്പെട്ടിട്ടുള്ളവര്‍ക്ക് മാത്രമേ ഈ സൗകര്യം ലഭ്യമാകൂ.