തിരുവനന്തപുരം: അപകടത്തില് പരിക്കേറ്റ് അരയ്ക്കു താഴെ തളര്ന്ന സുള്ഫി പിഎംഎവൈയില് അപേക്ഷ നല്കി കാത്തിരിക്കാന് തുടങ്ങിയിട്ട് വര്ഷങ്ങളായി. വീടും സ്ഥലവും ഇല്ലാത്തതിനാല് അവിവാഹിതനായ സുള്ഫി മുഖ്യമന്ത്രിയുടെ ഓഫീസില് നേരിട്ട് അപേക്ഷ നല്കിയതിന്റെ അടിസ്ഥാനത്തില് പിഎംഎവൈ ഭവന നിര്മ്മാണ പദ്ധതിയുടെ ഒന്നാം ഘട്ടത്തില് ഉള്പ്പെടുത്തി അഞ്ചര ലക്ഷം രൂപ മുടക്കി മൂന്ന് സെന്റ് വസ്തു ആറന്നൂര് വാര്ഡിലെ കുഞ്ചാലുംമൂടില് വാങ്ങി നല്കി. അതോടെ സുള്ഫിയുടെ സ്വപ്നങ്ങള്ക്ക് വീണ്ടും ചിറക് മുളച്ചു. എന്നാല് പിഎംഎവൈ രണ്ടാം ഘട്ടത്തില് സംസ്ഥാന സര്ക്കാര് ഒപ്പിടാത്തതോടെ വീടെന്ന സുള്ഫിയുടെ സ്വപ്നത്തിന് മങ്ങലേറ്റു. പിഎംഎവൈയുടെ ലോഗോ വയ്ക്കാന് പറ്റില്ലെന്ന പിടിവാശിയാണ് സുള്ഫിയെപ്പോലുള്ള അനേകം പേരുടെ ആഗ്രഹങ്ങള്ക്ക് മങ്ങലേല്പ്പിച്ചത്.
ഡ്രൈവറായിരുന്ന സുള്ഫി നാലര വര്ഷം മുമ്പുണ്ടായ അപകടത്തില് നാല്പ്പത്തിയഞ്ചടി താഴ്ചയിലുള്ള കൊക്കയിലേക്ക് മറിഞ്ഞ് സ്പൈനല്കോഡിന് പരിക്കേറ്റ് വളരെ നാള് ചികിത്സയില് ആയിരുന്നു. രണ്ടു കാലും അരയ്ക്കു താഴെ തളര്ന്ന സുള്ഫി വീല്ചെയറിന്റെ സഹായത്തോടെയാണ് യാത്രചെയ്യുന്നത്. പാലിയം ഇന്ത്യ ട്രസ്റ്റ് ആശുപത്രിക്കു കീഴില് ഇലിപ്പോടുള്ള ഫീനിക്സ് ഹോമിലാണ് സുള്ഫി ഇപ്പോള് താമസിക്കുന്നത്. സുള്ഫിക്ക് ഇന്ത്യയിലൊരിടത്തും വസ്തു ഇല്ല എന്ന് ഉറപ്പ് വരുത്തിയാണ് സ്ഥലം നല്കിയത്.
കോര്പ്പറേഷന് ബജറ്റില് പ്രഖ്യാപിച്ച പിഎംബിവൈ പദ്ധതി സുള്ഫിയുടെ സ്വപ്നങ്ങള്ക്ക് വീണ്ടും ചുറക് മുളപ്പിച്ചു. സ്വന്തമായി ഒരു വീടെന്ന തന്റെ ഏറെനാളത്തെ ആഗ്രഹം സഫലമാകുവാന് പോവുകയാണ്. അതിനായി നഗരസഭാ പ്രഖ്യാപിച്ച പദ്ധതിയുടെ ഗുണ്ഭോക്താവായി മേയറുടെ പക്കല് നിന്നു സര്ട്ടിഫിക്കറ്റും സുള്ഫി വാങ്ങി.