ലക്ഷണശാസ്ത്രമനുസരിച്ച് ഒരാളുടെ സ്വഭാവവും ജീവിതവും നിർണയിക്കുന്ന പ്രധാനപ്പെട്ട ഒന്നാണ് മറുകുകൾ. മറുകുകളുടെ സ്ഥാനമനുസരിച്ച് ഓരോ വ്യക്തിയുടെയും സവിശേഷതകൾ വ്യത്യസ്തമായിരിക്കും. നെറ്റിത്തടത്തിൽ മറുകുള്ളവരുടെ സവിശേഷതകൾ നോക്കാം .
നെറ്റിയുടെ മധ്യഭാഗത്തുള്ള മറുക് – പ്രണയം നിറഞ്ഞ ജീവിതത്തെ സൂചിപ്പിക്കുന്നു. മറ്റുള്ളവരുടെ ഇഷ്ടം നേടിയെടുക്കാൻ ഒരു പ്രത്യേക കഴിവുണ്ടായിരിക്കും.
നെറ്റിയുടെ വലതു ഭാഗത്ത് – ബുദ്ധിശാലികളും ഉന്നത വിദ്യാഭാസം കരസ്ഥമാക്കുന്നവരുമായിരിക്കും. പ്രശസ്തരും ധനവാന്മാരുമായിരിക്കും ഇക്കൂട്ടർ. ദൈവഭക്തരും സഹജീവികളെ സഹായിക്കുന്നവരുമായിരിക്കും.
നെറ്റിയുടെ ഇടതു ഭാഗത്ത് – സ്വാർഥരായിരിക്കും. മറ്റുള്ളവരോട് കരുണകാണിക്കാൻ മടിയുള്ളവരായിരിക്കും . ഇക്കൂട്ടർക്ക് സമൂഹത്തിൽ അംഗീകാരം ലഭിക്കാൻ ബുദ്ധിമുട്ടാണ്.
നെറ്റിയുടെ വശങ്ങളിൽ പുരികത്തിന് മുകളിലായ് – യാത്രചെയ്യാൻ ഭാഗ്യമുള്ളവരാണിവർ
പുരികത്തിനു നടുവിൽ – നേതൃഗുണമുള്ളവരും ധനാഢ്യരും പേരും പെരുമയുള്ളവരുമായിരിക്കും ഇക്കൂട്ടർ