കൊച്ചി: ജനാധിപത്യത്തെ അസ്ഥിരപ്പെടാതെ സൂക്ഷിക്കാ നുള്ള ഉത്തരവാദിത്തം മറന്ന് മാധ്യമങ്ങള് ഇന്ന് ന്യൂസിന് പകരം വ്യൂസ് ആണ് നല്കുന്നതെന്ന് ഗവര്ണര് രാജേന്ദ്ര വിശ്വനാഥ് ആര്ലേക്കര്. ഒന്നാം പേജുകളില് വാര്ത്തകളില്ല, വ്യൂസ് മാത്രമാണുള്ളത്.
ആഴ്ചയില് ഒരിക്കലെങ്കിലും പോസിറ്റീവായ ഒരു വാര്ത്തയെങ്കിലും കൊടുക്കാന് മാധ്യമ ങ്ങള് തയാറാവണമെന്നും അദ്ദേഹം അഭ്യര്ത്ഥിച്ചു. മികച്ച മാധ്യമ പ്രവര്ത്തകന് പ്രൊഫ. കെ.വി. തോമസ് വിദ്യാധനം ട്രസ്റ്റ് നല്കി വരുന്ന ടി.വി.ആര്. ഷേണായ് അവാര്ഡ് സണ്ണി ക്കുട്ടി എബ്രഹാമിന് നല്കി സംസാരിക്കുകയായിരുന്നു ഗവര്ണര്.
തേവര എസ്എച്ച് കോളജ് ഓഡിറ്റോറിയത്തില് നടന്ന ചട ങ്ങില് കോളജ് മാനേജറും സിഎംഐ കോണ്ഗ്രിഗേഷന് പ്രയോര് എസ്എച്ച് മോണസ്ട്രിയുമായ ഫാ. വര്ഗീസ് പുതുശ്ശേരി അധ്യക്ഷത വഹിച്ചു. വിദ്യാധനം ട്രസ്റ്റിയും മുന് മന്ത്രിയുമായ പ്രൊഫ. കെ.വി. തോമസ് സ്വാഗതം പറഞ്ഞു.
സ്കൂള് ഓഫ് കമ്മ്യൂണിക്കേഷന് ഡയറക്ടര് ബാബു ജോസഫ് അവാര്ഡ് പ്രഖ്യാപനം നടത്തി. മാധ്യമപ്രവര്ത്തകന് ജോസ് പനച്ചിപ്പുറത്തെ ഗവര്ണര് പൊന്നാട അണി യിച്ച് ആദരിച്ചു. സണ്ണിക്കുട്ടി എബ്രഹാം നന്ദി പറഞ്ഞു. ഒരു ലക്ഷം രൂപയും പ്രശംസാ പത്രവുമാണ് അവാര്ഡ്.