ആലപ്പുഴ: പക്ഷിപ്പനിയുടെ പശ്ചാത്തലത്തില് ഈ മാസം 30 മുതല് ആലപ്പുഴ ജില്ലയിലെ ഹോട്ടലുകള് അടച്ചിടും.ജില്ലയില് കോഴി വിഭവങ്ങള് ഇനിയൊരു അറിയിപ്പ് ഉണ്ടാകുന്നതുവരെ വില്ക്കരുതെന്നും അധികൃതര് മുന്നറിയിപ്പ് നല്കി.
ഹോട്ടലുകളില് ഭക്ഷണം കഴിക്കാന് എത്തിയവരെ ഉദ്യോഗസ്ഥരെത്തി ഇറക്കിവിട്ടെന്നും പരാതിയുണ്ട്.ഇതിനെതിരെ പ്രതിഷേധവുമായി ഹോട്ടല് ഉടമകള് രംഗത്തെത്തി. ജില്ലയില് താറാവില് മാത്രമാണ് പക്ഷിപ്പനി നിലവില് സ്ഥിരീകരിച്ചിട്ടുളളത്.
ദേശാടനപക്ഷികളുടെ വരവാണ് രോഗബാധയ്ക്ക് കാരണമെന്നാണ് വിലയിരുത്തല്. കൂടുതല് പക്ഷികളിലേക്ക് രോഗം പടരാതിരിക്കാന് മുന്കരുതലുകള് സ്വീകരിച്ചതായി ജില്ലാ ഭരണകൂടം അറിയിച്ചു.
പക്ഷികള് കൂട്ടത്തോടെ ചാകുന്നത് ശ്രദ്ധയില്പ്പെട്ടാല് മൃഗാശുപത്രികളില് അറിയിക്കണം. ഇത്തരം പക്ഷികളെ കൈകാര്യം ചെയ്യുമ്പോള് ജാഗ്രത പാലിക്കണം.
ആലപ്പുഴയില് പക്ഷിപ്പനി സ്ഥിരീകരിച്ച ഇടങ്ങളില് ഇരുപതിനായിരത്തോളം പക്ഷികളെയാണ് കൊന്നൊടുക്കിയത്.