പാലക്കാട്: കോണ്ഗ്രസ് കൗണ്സിലര് പ്രശോഭിനെതിരായ ലൈംഗിക പീഡന പരാതിയില് പൊലീസ് കേസെടുത്തു.യുവതി തെളിവുകള് പൊലീസിന് കൈമാറി.ഷാഫി പറമ്പിലിന്റെയും ശ്രീകണ്ഠന്റെയും പേര് പറഞ്ഞ് തന്നെ പ്രശോഭ് ഭീഷണിപ്പെടുത്തിയെന്നും പരാതിക്കാരി പറഞ്ഞു.തന്റെ മുന്നില് വച്ച് പ്രശോഭ് ഷാഫി പറമ്പിലിന് വീഡിയോ കോള് ചെയ്തു.ജോലി വാഗ്ദാനം ചെയ്താണ് പീഡിപ്പിച്ചത്.
ജോലി വാഗ്ദാനം ചെയ്ത് പ്രശോഭ് പല വട്ടം ലൈംഗികമായി പീഡിപ്പിച്ചെന്നാണ് യുവതിയുടെ പരാതി. ഷാഫി പറമ്പിലുമായും രാഹുല് മാങ്കൂട്ടത്തിലുമായുള്ള അടുത്ത ബന്ധം പറഞ്ഞ് ഭീഷണിപ്പെടുത്തിയെന്നും പരാതിയിലുണ്ട്. മുഖ്യമന്ത്രിയ്ക്ക് നല്കിയ പരാതി പ്രകാരം പൊലീസ് യുവതിയുടെ വിശദമായ മൊഴി രേഖപ്പെടുത്തി.
അതേസമയം പ്രശോഭിനെതിരായ പരാതി തെരഞ്ഞെടുപ്പില് പ്രധാന പ്രചാരണ വിഷയമാകുകയാണ്. ഇത് മുന്നില് കണ്ട് ഡിസിസി നേതൃത്വം അടിയന്തിരമായി ഇടപെട്ട് പ്രശോഭിനെ പാര്ട്ടിയില് നിന്ന് പുറത്താക്കി. ധാര്മികതയുടെങ്കില് പ്രശോഭ് കൗണ്സിലര് സ്ഥാനം രാജി വയ്ക്കട്ടെയെന്നാണ് നേതൃത്വത്തിന്റെ നിലപാട്.
അതിനിടെ, പ്രശോഭ് ഒളിവിലാണെന്നാണ് പൊലീസ് പറയുന്നത്.