മലപ്പുറം: ആഗോള അയ്യപ്പ സംഗമവുമായി ബന്ധപ്പെട്ട സാമ്പത്തിക വിവാദങ്ങളിൽ കൈമലർത്തി സിപിഎം സംസ്ഥാന സെക്രട്ടറി എം.വി. ഗോവിന്ദൻ. ആരായാലും കണക്കുകൾ ശരിയാക്കണമെന്ന് പറഞ്ഞ അദ്ദേഹം ഈ സംഭവത്തിൽ പാർട്ടിക്ക് പങ്കില്ലെന്ന് പറഞ്ഞു.

പരിപാടിയുടെ വരവുചെലവ് കണക്കുകൾ കൃത്യമായി ബോധിപ്പിക്കേണ്ടത് അത് നടത്തിയവരുടെ ഉത്തരവാദിത്വമാണ്. സാമ്പത്തിക കാര്യങ്ങളിൽ പാർട്ടിക്ക് യാതൊരുവിധ ബാധ്യതയുമില്ല.വിവാദങ്ങളെ ന്യായീകരിക്കാൻ പാർട്ടി നിൽക്കില്ലെന്നും ഉത്തരവാദിത്തപ്പെട്ടവർ തന്നെ ഇതിന് മറുപടി പറയണമെന്നും അദ്ദേഹം കൂട്ടിച്ചേർത്തു