കോഴിക്കോട്: നിലമ്പൂര്‍ ഉപതെരഞ്ഞെടുപ്പ് വിവാദങ്ങള്‍ക്കിടെ പി വി അന്‍വറുമായുള്ള കൂടിക്കാഴ്ചയ്‌ക്ക് തയാറാകാതെ എഐസിസി ജനറല്‍ സെക്രട്ടറി കെ സി വേണുഗോപാല്‍. കോഴിക്കോടെത്തിയ കെസി വേണുഗോപാലിനെ കാണാന്‍ പുറപ്പെട്ട പിവി അന്‍വര്‍ നിരാശനായി. കെ സി വേണുഗോപാല്‍ ദല്‍ഹിക്ക് മടങ്ങും.
അതേസമയം,അന്‍വറുമായുള്ള കൂടിക്കാഴ്ച മാധ്യമസൃഷ്ടിയാണെന്നാണ് കെസി വേണുഗോപാല്‍ പ്രതികരിച്ചത്. സംസ്ഥാനത്ത് കൊള്ളാവുന്ന നേതൃത്വമുണ്ട്. നിലമ്പൂര്‍ ഉപതെരഞ്ഞെടുപ്പുമായി ബന്ധപ്പെട്ട വിഷയങ്ങള്‍ സംസ്ഥാന കോണ്‍ഗ്രസ് നേതൃത്വം കൈകാര്യം ചെയ്യും.
പി വി അന്‍വറിന്റെ കാര്യം പി കെ കുഞ്ഞാലിക്കുട്ടി കെസി വേണുഗോപാലുമായി സംസാരിച്ചിരുന്നു.അന്‍വറിനെ അവഗണിക്കുന്ന നിലപാട് എടുക്കരുതെന്നാണ് മുസ്ലിം ലീഗിന്റെ നിലപാട്. ഇതേ തുടര്‍ന്നാണ് കെ സി വേണുഗോപാലും പിവി അന്‍വറും കൂടിക്കാഴ്ച നടത്തുമെന്ന നില വന്നത്. എന്നാല്‍ കെസി വേണുഗോപാല്‍ വിരുദ്ധ സ്വീകരിച്ചതോടെ പിവി അന്‍വര്‍ നിലമ്പൂരില്‍ ഒറ്റയ്‌ക്ക് മത്സരിക്കാനുള്ള സാധ്യതയും ഏറുകയാണ്.