സംസ്ഥാനത്തെ എയ്ഡഡ് സ്‌കൂളുകളിലെ ഭിന്നശേഷി അധ്യാപക നിയമനത്തില്‍ മാനേജ്‌മെന്റുകള്‍ റിപ്പോര്‍ട്ട് ചെയ്യാനുള്ളത് നിരവധി ഒഴിവുകള്‍. സര്‍ക്കാര്‍ അനുകൂല നിലപാട് സ്വീകരിക്കുമ്പോഴും സംസ്ഥാനത്തെ 1329 മാനേജ്‌മെന്റുകള്‍ മാത്രമാണ് ഭിന്നശേഷി ഒഴിവുകള്‍ റിപ്പോര്‍ട്ട് ചെയ്തിട്ടുള്ളത്.

സംസ്ഥാനത്തെ എയ്ഡഡ് സ്‌കൂളുകളില്‍ 1503 ഭിന്നശേഷി വിഭാഗക്കാര്‍ക്കാണ് ഇതുവരെയും നിയമനം നല്‍കിയിട്ടുള്ളത്. 4999 മാനേജ്‌മെന്റുകളില്‍ 3670 മാനേജ്‌മെന്റുകള്‍ ഇതുവരെയും ഒഴിവുകള്‍ റിപ്പോര്‍ട്ട് ചെയ്തിട്ടില്ല. 5129 ഒഴിവുകള്‍ ഇനിയും റിപ്പോര്‍ട്ട് ചെയ്യാനുണ്ട്.

വിഷയത്തില്‍, ഒഴിവുകള്‍ റിപ്പോര്‍ട്ട് ചെയ്യുന്നില്ലെങ്കില്‍ കര്‍ശന നടപടി സ്വീകരിക്കാനാണ് വിദ്യാഭ്യാസ വകുപ്പിന്റെ തീരുമാനം. എന്‍എസ്എസ് കേസിലെ വിധി മറ്റ് മാനേജ്‌മെന്റുകള്‍ക്ക് ബാധകമല്ലെന്നനിലപാട് ഇന്നലെയാണ് സര്‍ക്കാര്‍ തിരുത്തിയത്.