മലപ്പുറം: മഞ്ചേരി നറുകര മേമാട് സൈക്കിളില്‍ ബൈക്കിടിച്ച് ആറ് വയസുകാരന് മരിച്ചു. നറുകര സ്വദേശി മുഹമ്മദ് ഇസിയാന്‍ ആണ് മരിച്ചത്.
വൈകിട്ട് അഞ്ചോടെ മേമാട് 3-ജി വില്ലയ്ക്ക് സമീപമായിരുന്നു അപകടം. സൈക്കിള്‍ ഓടിച്ച് പോവുകയായിരുന്ന ഇസിയാനെ സമീപവാസിയായ ആള്‍ ഓടിച്ച ബൈക്ക് ഇടിക്കുകയായിരുന്നു.
ഗുരുതരമായി പരിക്കേറ്റ കുട്ടിയെ ആദ്യം മഞ്ചേരിയിലെ സ്വകാര്യ ആശുപത്രിയിലും പിന്നീട് മഞ്ചേരി മെഡിക്കല്‍ കോളജിലും പ്രവേശിപ്പിച്ചെങ്കിലും രക്ഷിക്കാനായില്ല.
കുട്ടിയുടെ മൃതദേഹം മഞ്ചേരി മെഡിക്കല്‍ കോളജ് മോര്‍ച്ചറിയിലേക്ക് മാറ്റി. സംഭവത്തില്‍ പൊലീസ് കേസെടുത്ത് അന്വേഷണം ആരംഭിച്ചു.