കൊല്ലം: മദ്യപാനത്തിനിടെ ഉണ്ടായ തര്ക്കത്തെ തുടര്ന്ന് സുഹൃത്തിനെ യുവാവ് കോടാലി കൊണ്ട് വെട്ടിക്കൊന്നു. മൂഴിക്കോട് ആദര്ശ് ഭവനില് ആദര്ശ് (30) ആണ് മരിച്ചത്.
സംഭവത്തില് ആദര്ശിന്റെ സുഹൃത്ത് സുനില്കുമാറി(41നെ പൊലീസ് അറസ്റ്റ് ചെയ്തു.കോട്ടാത്തലയില് സുനില്കുമാര് ഒറ്റയ്ക്ക് താമസിക്കുന്ന വീട്ടില് വച്ചായിരുന്നു സംഭവം.
കൊലപാതകത്തിന് ശേഷം നിര്മാണ തൊഴിലാളിയായ ഇയാള് തന്നെ പൊലീസിനെ വിവരം അറിയിച്ചു. കൊല്ലപ്പെട്ട ആദര്ശും പ്രതി സുനിലും പതിവായി മദ്യപിക്കാറുണ്ട്.കഴിഞ്ഞ ദിവസം ഒരുമിച്ചിരുന്ന് മദ്യപിക്കവെ വാക്കുതര്ക്കമുണ്ടായപ്പോള് സുനില്കുമാര് കോടാലിക്കൈ കൊണ്ട് ആദര്ശിന്റെ തലയ്ക്കടിച്ചു.ആദര്ശ് തിരിച്ചടിച്ചതിനെ തുടര്ന്ന് സുനില് കോടാലി കൊണ്ട് കഴുത്തിന് വെട്ടിക്കൊലപ്പെടുത്തുകയായിരുന്നു.