മലപ്പുറം: തിരക്കേറിയ റോഡില്‍ അപകടകരമാം വിധം യുവാക്കള്‍ റീല്‍സ് ഷൂട്ട് നടത്തി. എടവണ്ണപാറ -കൊണ്ടോട്ടി റോഡില്‍ അഞ്ച് കിലോമീറ്ററോളം ദൂരം രണ്ടു കാറുകളില്‍ റീല്‍സ് ഷൂട്ട് ചെയ്തു.
ഓടിക്കൊണ്ടിരിക്കുന്ന കാറില്‍ നിന്നും പുറത്തേക്ക് തൂങ്ങി നിന്നായിരുന്നു ചിത്രീകരണം. രാത്രി 8.30ഓടെയായിരുന്നു സംഭവം.
രണ്ട് കാറുകളിലായിരുന്നു ചിത്രീകരണം. മുന്നിലെ കാറിലുള്ളയാള്‍ പുറത്തേക്ക് തലയിട്ട് പിറകില്‍ വരുന്ന കാറിന്റെ ദൃശ്യങ്ങളെടുത്തു. ശേഷം മറ്റേ കാറിലുണ്ടായിരുന്നയാളുടെ ദൃശ്യങ്ങളും സമാനമായ രീതിയില്‍ ചിത്രീകരിച്ചു. വിഷയത്തില്‍ മോട്ടോര്‍ വാഹന വകുപ്പ് അന്വേഷണം ആരംഭിച്ചു.