ഗച്ചിബൗളി: ആര്‍.ആര്‍ കാബെല്‍ പ്രൈം വോളിബോള്‍ ലീഗിലെ കരുത്തരുടെ പോരില്‍ മുംബൈ മിറ്റിയോഴ്‌സ് ബെംഗളൂരു ടോര്‍പ്പിഡോസിനെ 3-1 സെറ്റിന് തോല്‍പ്പിച്ച് ലീഗിലെ ഒന്നാം സ്ഥാനവും ഉറപ്പിച്ചു. മത്സര സ്‌കോര്‍: 15-13, 15-13, 20-18, 15-10. ശുഭം ചൗധരി പ്ലെയര്‍ ഓഫ് ദ മാച്ച് ആയി തെരഞ്ഞെടുത്ത് ശ്രദ്ധേയ പ്രകടനം കാഴ്ചവെച്ചു.

ഒക്ടോബര്‍ 24ന് നടക്കുന്ന ഒന്നാം സെമിഫൈനലില്‍ നാലാം സ്ഥാനക്കാരുമായിരിക്കും മുംബൈയുടെ എതിരാളി. 7 മത്സരങ്ങളില്‍ ആറും ജയിച്ച മുംബൈ 17 പോയിന്റുമായി ലീഗ് ഘട്ടം പൂര്‍ത്തിയാക്കി. ബെംഗളൂരു ടോര്‍പ്പിഡോസിന് ഏഴ് മത്സരങ്ങളില്‍ അഞ്ച് ജയവും 14 പോയിന്റുമായി രണ്ടാം സ്ഥാനം ഉറപ്പിച്ചു. മൂന്നാം സ്ഥാനക്കാരുമായാണ് 24ന് ബെംഗളൂരുവിന്റെ സെമിഫൈനല്‍ പോരാട്ടം.

മത്സരം വളരെ നേരിയ മത്സരമായിരുന്നു. ആദ്യരണ്ട് സെറ്റുകളിലും ഇരുടീമുകളും ഒപ്പത്തിനൊപ്പം നിന്നു, പക്ഷെ മുംബൈ സെറ്റര്‍ ഓം ലാഡിന്റെ പ്രകടനവും മാത്തിയാസ് ലോഫ്‌റ്റെസ്‌നസ്, ശുഭം ചൗധരി എന്നിവരുടെ സ്‌പൈക്കുകളും മിറ്റിയോഴ്‌സ് ജയം നേടാന്‍ സഹായിച്ചു. ബെംഗളൂരുവിന് വേണ്ടി ജോയല്‍ ബെഞ്ചമിന്‍ മികച്ച പ്രകടനം കാഴ്ചവെച്ചെങ്കിലും, പീറ്റര്‍ ഓസ്റ്റ്വിക്കിന്റെ ബ്ലോക്കുകള്‍ മിറ്റിയോഴ്‌സിന് പിന്തുണയായി.

മൂന്നാം സെറ്റില്‍ ബെംഗളൂരു തിരിച്ചടിച്ചു; പെന്റോസ്, മുജീബ് എന്നിവരുടെ പ്രതിരോധവും അമിത് ഗുലിയയുടെ ശക്തമായ സ്പൈക്കുകളും സെറ്റ് 20-18ന് ബെംഗളൂരുവിന് നല്‍കിവച്ചെങ്കിലും, കാര്‍ത്തിക്കിന്റെ കിടിലന്‍ സര്‍വുകളും ഓം ലാഡിന്റെ സ്ലോ സര്‍വും മിറ്റിയോഴ്‌സിന് ആധിപത്യം തിരിച്ചുപിടിക്കാനായി. അവസാനത്തില്‍ ലോഫ്‌റ്റെസ്‌നസിന്റെ ബ്ലോക്കിലൂടെ നിര്‍ണായക ജയം സ്വന്തമാക്കി മുംബൈ മിറ്റിയോഴ്‌സ് ഒന്നാം സ്ഥാനവും ഉറപ്പാക്കി.

ലീഗില്‍ ഇന്ന് വിശ്രമദിനമാണ്, സെമിഫൈനലുകള്‍ 24ന്, കലാശക്കളി 26ന് നടക്കും.