കൊച്ചി: 3000 രൂപ ക്ഷേമ പെൻഷൻ ആദ്യ ബജറ്റിൽ കൊടുക്കും എന്ന് പറഞ്ഞ, വാഹന മോഡിഫിക്കേഷൻ യഥാർഥ്യമാക്കി തരും എന്ന് വാക്ക് പറഞ്ഞിട്ട് കാല് മാറിയ മുഖ്യൻ ബെകാർഡി കമ്പനിയോട് വാക്ക് പാലിക്കും എന്ന് ഞാൻ വിശ്വസിക്കുന്നില്ലെന്ന് മുഖ്യമന്ത്രിയെ പരിഹസിച്ച് അഖിൽ മാരാർ

സോഷ്യൽ മീഡിയയിൽ പങ്കുവെച്ച കുറിപ്പിലൂടെയായിരുന്നു അഖിലിന്റെ പരിഹാസം.

ഫെയ്സ്ബുക്ക് കുറിപ്പ് വായിക്കാം:

“വീര്യം കുറഞ്ഞ മദ്യത്തിന്റെ നികുതി കുറച്ചു കൊടുക്കുന്നത് സർക്കാർ കോടികൾ അഴിമതി നടത്തിയിട്ടാണ്.. ”
പ്രതിപക്ഷ നേതാവ് വി ഡി സതീശൻ പറഞ്ഞതാണ്..
പറഞ്ഞ വാക്ക് പാലിക്കുന്ന നിലപാടിൽ ഉറച്ചു നിൽക്കുന്ന മനുഷ്യൻ ആയത് കൊണ്ട് മുഖ്യ മന്ത്രി ആയ ആദ്യ ബജറ്റിൽ ബെകാർഡി കമ്പനിയുടെ അപേക്ഷ ശര വേഗത്തിൽ പാസാക്കി കൊടുത്തു..
തിരഞ്ഞെടുപ്പിന് മുൻപേ ബെകാർഡി കമ്പനിയിൽ നിന്നും കോടികൾ വാങ്ങിയാണ് സതീശൻ ഇത് ചെയ്തതെന്ന് പ്രതിപക്ഷവും ഭരണ പക്ഷത്തിലെ ഒരു വിഭാഗവും പറയുന്നുണ്ട് എന്നാൽ ഞാനത് വിശ്വസിക്കുന്നില്ല..
3500 ക്ഷേമ പെൻഷൻ ആദ്യ ബജറ്റിൽ കൊടുക്കും എന്ന് പറഞ്ഞ, വാഹന മോഡിഫിക്കേഷൻ യഥാർഥ്യമാക്കി തരും എന്ന് വാക്ക് പറഞ്ഞിട്ട് കാല് മാറിയ മുഖ്യൻ ബെകാർഡി കമ്പനിയോട് വാക്ക് പാലിക്കും എന്ന് ഞാൻ വിശ്വസിക്കുന്നില്ല.
പണ്ട് കൂടെ നിന്ന് ഉമ്മൻ ചാണ്ടിയെ വാരിയ പോലെ, ജമാ അത് ഇസ്ലാമിയെ കൂടെ കൂട്ടി മുഖ്യമന്ത്രി ആയ ശേഷം മേനോൻ വാല് വിളിച്ചു പറഞ്ഞു സത്യ പ്രതിജ്ഞ ചെയ്തു അവരെ വാരിയ പോലെ ബെകാർഡിയെയും വാരാൻ ആണ് സാധ്യത..
അല്ലെങ്കിൽ മുഖ്യ മന്ത്രി ആക്കിയതിന്റെ പ്രത്യുപകാരം 😂മാറ്റാർക്കോ വേണ്ടി ചെയ്തു കൊടുത്തതാണ്….
സതീശൻ സാർ ആദർശമുള്ളവൻ ആണ്.. ആരെയും പറഞ്ഞു പറ്റിക്കാത്തവൻ ആണ്..
എനിക്കും ഉറപ്പ് ഉള്ളതാണല്ലോ.