ന്യൂദല്‍ഹി: മോദിയുടെ ഭരണത്തിന്‍കീഴില്‍ ഭാരതത്തിന്റെ അത്ലറ്റിക്സ് കുതിക്കുകയാണ്. ലോംഗ് ജംപില്‍ 6.83 മീറ്റര്‍ ദൂരം ചാടി ദേശീയ റെക്കോഡ് സ്ഥാപിച്ചിരിക്കുകയാണ് മലയാളിയായ ആന്‍സി സോജന്‍.

നേരത്തെ ബാഡ് മിന്‍റണ്‍, ഷൂട്ടിംഗ്, ഗുസ്തി, ജാവലിന്‍ ത്രോ തുടങ്ങിയ ഇനങ്ങളില്‍ വന്‍കുതിപ്പ് നേടിയ ഇന്ത്യ ഇപ്പോള്‍ അത്ലറ്റിക്സിലും കുതിക്കുകയാണ്. ടോപ്സ് എന്ന ചുരുക്കപ്പേരില്‍ അറിയപ്പെടുന്ന ടാര്‍ഗറ്റ് ഒളിമ്പിക് പോഡിയം സ്കീം മികച്ച അത്ലറ്റുകള്‍ക്ക് ലോകനിലവാരത്തിലുള്ള കോച്ചിംഗ് ആണ് നല്‍കുന്നത്. ആഗോള മത്സരങ്ങളില്‍ പങ്കെടുപ്പിക്കല്‍, ലോകനിലവാരത്തിലുള്ള പരിശീലനം, ധനസഹായം എന്നിവയാണ് ഇതിന്റെ ഭാഗമായി നടക്കുന്നത്.

ഫിറ്റ് ഇന്ത്യ മൂവ് മെന്‍റ് എന്ന പദ്ധതി സ്പോര്‍ട്സിനെക്കുറിച്ചുള്ള ബോധവല്‍ക്കരണം ശക്തമായി നടപ്പാക്കുന്നുണ്ട്. ഖേലോ ഇന്ത്യ മിഷന്‍ എന്ന ദൗത്യം താഴെക്കിടയിലെ മിടുക്കരെ കണ്ടെത്തി വളര്‍ത്തുക എന്ന പദ്ധതി നടപ്പാക്കുന്നു.

സ്പോര്‍ട്സ് ഗവേണന്‍സ് 2025 എന്നത് കായിക പ്രവര്‍ത്തനങ്ങളില്‍ സുതാര്യത നിലനിര്‍ത്തുക എന്ന ലക്ഷ്യത്തോടെയുള്ള പദ്ധതികളാണ് നടപ്പാക്കുന്നത്. 2036ലെ ഒളിമ്പിക്സും 2030ലെ കോമണ്‍വെല്‍ത് ഗെയിംസുമാണ് ഇന്ത്യ ലാക്കാക്കുന്നത്.

10.09 സെക്കന്‍റില്‍ നൂറുമീറ്റര്‍ ഓടിയ ഗുരീന്ദര്‍വീര്‍ സിങ്ങ് ഇന്ത്യയുടെ അത്ലറ്റിക്സ് കുതിപ്പിന്റെ നട്ടെല്ലാണ്. ജാവലിനില്‍ ഏഴ് സ്വര്‍ണ്ണമെഡലുകള്‍ നേടിയ നീരജ് ചോപ്ര ഇന്ത്യയുടെ മെഡല്‍ പ്രതീക്ഷയാണ്. 3000 മീറ്റര്‍ സ്റ്റീപ്പിള്‍ ചേസില്‍ മത്സരിക്കുന്ന അവിനാശ് സാബിള്‍ ഇന്ത്യയ്‌ക്ക് ഏറെ പ്രതീക്ഷ പകരുന്ന അത്ലറ്റാണ്. 100 മീറ്റര്‍ ഹര്‍ഡില്‍സ് ഓട്ടക്കാരി ജ്യോതി യാരാജി, ജാവലിന്‍ എറിയുന്ന കിഷോര്‍ ജെന, ദീര‍്ഘദൂര ഓട്ടക്കാരനായ പോള്‍ ചൗധരി എന്നിവരെല്ലാം ഇന്ത്യയുടെ 2036ലെ ഒളിമ്പിക് മെഡല്‍ പ്രതീക്ഷകളാണ്.