ന്യൂഡൽഹി ; ഇന്ത്യ ഏത് സാഹചര്യത്തിലും ഒരു നീണ്ട യുദ്ധത്തിന് തയ്യാറാണെന്ന് ജനറൽ ദ്വിവേദി. ശത്രു പാകിസ്ഥാനോ അതിന്റെ പിന്തുണയുള്ള തീവ്രവാദികളോ ആകട്ടെ, എല്ലാ ഭീഷണികൾക്കും ഉചിതമായ മറുപടി നൽകാൻ സൈന്യത്തിന് കഴിവുണ്ടെന്നും അദ്ദേഹം പറഞ്ഞു.

‘ പാകിസ്ഥാൻ എത്ര രഹസ്യമായി ഭീകരതയെ പ്രോത്സാഹിപ്പിച്ചാലും ഇന്ത്യൻ സൈന്യം അതിന്റെ ഓരോ നീക്കവും നിരീക്ഷിക്കുന്നുണ്ട് . . കഴിഞ്ഞ അഞ്ച് വർഷത്തിനിടെ കശ്മീരിലെ ഭീകരത ഗണ്യമായി കുറഞ്ഞു . കൊല്ലപ്പെട്ട തീവ്രവാദികളിൽ 61% പേരും പാകിസ്ഥാനികളാണ്. അതിർത്തിക്കപ്പുറത്ത് നിന്ന് ഭീകരത പ്രചരിപ്പിക്കാനുള്ള ഗൂഢാലോചന തുടരുകയാണ് . ജമ്മു കശ്മീരിലെ സ്ഥിതി അതിവേഗം മാറിക്കൊണ്ടിരിക്കുകയാണ് .

ഓപ്പറേഷൻ സിന്ദൂർ ഒരു ട്രെയിലർ മാത്രമായിരുന്നു. ആവശ്യമെങ്കിൽ, ഉത്തരവാദിത്തമുള്ള ഒരു രാജ്യം അയൽക്കാരനെ എങ്ങനെ പരിഗണിക്കണമെന്ന് പാകിസ്ഥാനെ പഠിപ്പിക്കും. തീവ്രവാദികളിൽ നിന്ന് ഒരു കത്ത് വന്നാലും, സൈന്യത്തിന് അതിന്റെ ഉത്ഭവം കണ്ടെത്താൻ കഴിയും.

ഇന്ത്യ ഒരു തരത്തിലുള്ള ആണവ ഭീഷണിയെയും ഭയപ്പെടുന്നില്ല, യുദ്ധം നാല് മാസമോ നാല് വർഷമോ നീണ്ടുനിന്നാലും, ഏത് സാഹചര്യത്തിനും ഇന്ത്യൻ സൈന്യം സജ്ജമാണെന്നും “ അദ്ദേഹം വ്യക്തമാക്കി.

മണിപ്പൂർ തനിക്ക് ഒരു സ്വർഗം പോലെയാണെന്നും രാഷ്‌ട്രപതി ഭരണം ഏർപ്പെടുത്തിയതിനുശേഷം സ്ഥിതിഗതികൾ സാധാരണ നിലയിലേക്ക് മടങ്ങുകയാണെന്നും അദ്ദേഹം പറഞ്ഞു. അവിടത്തെ സമുദായങ്ങൾ അവരുടെ അഭിപ്രായവ്യത്യാസങ്ങൾ പരിഹരിച്ചാൽ സ്ഥിതി കൂടുതൽ മെച്ചപ്പെടുമെന്ന് അദ്ദേഹം പ്രത്യാശ പ്രകടിപ്പിച്ചു.

അതുപോലെ, മ്യാൻമറിൽ നിന്നുള്ള 43,000 അഭയാർത്ഥികളെ ഇന്ത്യ അവരെ തിരിച്ചയക്കാൻ ശ്രമിക്കുകയാണെന്നും അവരിൽ ആരെങ്കിലും തീവ്രവാദ പ്രവർത്തനങ്ങളിൽ ഏർപ്പെട്ടിട്ടുണ്ടെന്ന് കണ്ടെത്തിയാൽ കർശന നടപടിയെടുക്കുമെന്നും അദ്ദേഹം പറഞ്ഞു.