തിരുവനന്തപുരം: രാഹുല് മാങ്കൂട്ടത്തില് എംഎല്എയ്ക്കെതിരെ പരാതി നല്കിയ യുവതിയെ അപമാനിച്ചെന്ന കേസില് ,കോണ്ഗ്രസ് നേതാവ് സന്ദീപ് വാര്യര് ഉള്പ്പടെയുള്ളവരുടെ മുന്കൂര് ജാമ്യാപേക്ഷ 10ന് പരിഗണിക്കും. പത്തനംതിട്ട മഹിളാ കോണ്ഗ്രസ് ജില്ലാ ജനറല് സെക്രട്ടറി രഞ്ജിത പുളിക്കലിന്റെ മുന്കൂര് ജാമ്യ ഹര്ജിയും അന്ന് പരിഗണിക്കും.
കേസ് പരിഗണിച്ചപ്പോള് പൊലീസ് റിപ്പോര്ട്ട് ഹാജരാക്കിയില്ല. തുടര്ന്ന് കേസ് പരിഗണിക്കുന്നത് മാറ്റിയത്. തിരുവനന്തപുരം പ്രിന്സിപ്പല് സെഷന്സ് കോടതിയാണ് കേസ് പരിഗണിക്കുന്നത്.
അതിജീവിതയുടെ വ്യക്തിത്വം വെളിപ്പെടുത്തല്, സ്ത്രീത്വത്തെ അപമാനിക്കല്, ഭീഷണിപ്പെടുത്തല് എന്നീ വകുപ്പുകള് ചേര്ത്താണ് കേസെടുത്തത്. ഇതേകേസില് അഞ്ചാം പ്രതി രാഹുല് ഈശ്വറിന്റെ ജാമ്യാപേക്ഷ കഴിഞ്ഞ ദിവസം തള്ളിയതിനെ തുടര്ന്ന് റിമാന്ഡിലാണ്.